Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

BSH: Dobësimi i euros i ka bërë çmimet më të lira dhe ka dobësuar eksportet

Postuar: 11/08/2017 - 07:47

Banka e Shqipërisë vë në dukje se dobësimi i euros në tregun vendas të këmbimit ka frenuar rritjen e inflacionit dhe ka ndikuar negativisht konkurrueshmërinë e produkteve tona të eksportit, çka sjell më tej një rritje më të ulët ekonomike. Raporti i Politikës Monetare për tremujorin e dytë, i publikuar ditën e djeshme sqaron se i Inflacioni i tremujorit të dytë shënoi një vlerë mesatare prej 2.0%, duke ardhur në rënie kundrejt vlerës mesatare prej 2.4% të tremujorit paraardhës.

Rënia e inflacionit në këtë tremujor, sipas BSH është ndikuar pjesërisht nga vlerat e larta të inflacionit të shënuara në tremujorin e parë si pasojë e goditjeve të ofertës dhe pjesërisht nga efekti rënës i ardhur nga mbiçmimi i kursit të këmbimit.

Ekspertët në BSH analizojnë se efekti i kursit të këmbimit ishte më i pranishëm në rënien e inflacionit të artikujve të importit, dhe veçanërisht të atyre ushqimorë. Nisur nga ecuria e tremujorit të dytë, Banka e Shqipërisë thotë se projeksioni për inflacionin mesatar të vitit 2017 ka pësuar një rishikim të lehtë për poshtë, nga niveli 2.3% në nivelin 2.2%. Më tej, zhvillimet ekonomike dhe financiare në vend janë pozitive dhe konfirmojnë trendin rritës të ekonomisë shqiptare.

Aktiviteti ekonomik ka vijuar të rritet në mënyrë të qëndrueshme në fillim të vitit, por inflacioni është ngadalësuar në tremujorin e dytë. Banka e Shqipërisë pret një përmirësim të mëtejshëm të ekonomisë në periudhën afatmesme. Banka thotë se pritjet për një ecuri pozitive të ekonomisë janë forcuar. Rritja e investimeve publike dhe private, rritja e shpenzimeve konsumatore dhe zgjerimi i eksporteve pritet të reflektohen me një rritje më të lartë ekonomike në vitin 2017. Në mungesë të goditjeve, ritmet pozitive të ekonomisë pritet të vijojnë në horizontin afatmesëm të veprimit të politikës monetare. Balanca e rreziqeve dhe zhvillimeve të pritura qëndron në krahun e poshtëm.

/Agjensia e Lajmeve Sot News/

Na Beni Like Ne Facebook: 
Total votes: 31

Lajme nga e njejta kategori

Postuar: 22/07/2018 - 21:21

Një 23-vjeçar dhe një 43-vjeçar janë arrestuar në flagrancë nga policia e Durrësit pas një konflikti të madh që lindi mes tyre.

Postuar: 22/07/2018 - 21:02

Një shofer shqiptar ka shpëtuar nga vdekja, falë ndihmës së një mjeku grek që ndodhej në tragetin

Postuar: 22/07/2018 - 20:33

Një tjetër ngjarje e rëndë është regjistruar sot në bregdet, ku një i riu është mbytur sot në Gji

Postuar: 22/07/2018 - 19:44

I riu fatkeq që u mbyt sot në Velipojë, kishte punuar deri pak muaj më parë në qendrën komunitare

Postuar: 22/07/2018 - 18:55

Mos lëshimi i kuponit tatimor i ka kushtuar shtrenjtë disa resorteve të njohura në bregdetin shqi

Postuar: 22/07/2018 - 18:45

Arrestohet një person i dënuar me 10 vite burg nga Gjykata e Rrethit Gjyqësor Tiranë për veprën p

Postuar: 22/07/2018 - 18:15

Një aksident ka ndodhur në këto momente në rrugën nacionale Fier-Levan.