Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Euro vazhdon në rënie, i afrohet nivelit më të ulët të 10 viteve. Ja me sa u këmbye sot

Postuar: 16/11/2018 - 12:28

Monedha e përbashkët ka shënuar një tendencë të lehtë rënëse përgjatë ditëve të fundit, e cila ka qenë e qëndrueshme dhe graduale, duke e zbritur euron në 124.52 lekë gjatë ditës së sotme, sipas kursit zyrtar të Bankës së Shqipërisë.

Ky është niveli më i ulët që nga fillimi i muajit qershor, kur euro zbriti në 124.17 lekë, niveli më i ulët në 10 vjet, por më pas rënia u frenua, pas një seri ndërhyrjesh të jashtëzakonshme të Bankës së Shqipërisë, që tërhoqi nga tregu më shumë se 100 milionë euro, duke e stabilizuar kursin në raportet e këmbimit 1 euro me rreth 126 lekë.

Por, që nga mesi i muajit shtator, euro iu rikthye tendencës rënëse që ndonëse e lehtë ka qenë e vazhdueshme.

Banka e Shqipërisë, nga ana e saj, ka sinjalizuar tregjet se ajo nuk ka më ndër plan të ndërhyjë, pasi Shqipëria ka një regjim të lirë të kursit të këmbimit dhe ajo ndërhyn në treg vetëm kur rrezikohet objektivi i saj kryesor, ai i ruajtjes së stabilitetit të çmimeve.

Sipas aktorëve kryesorë në tregun e këmbimit valutor niveli I këmbimit të euros me lekun tashmë është i stabiliizuar. Monedha e përbashkët europiane ka tendencën që të zhvlerësohet me afrimin e afateve të fundit të pagimit të detyrimeve tatimore, ku në datën 14 të çdo muaji bizneset paguajnë detyrimin e TVSH dhe në datë 20 kanë afatin e fundit të pagesës së sigurimeve shoqërore dhe shëndetësore. Volumet e ulëta tregtare kanë detyruar bizneset që të këmbejnë valutën për të paguar detyrimet.

Oferta për valutë, pohojnë aktorët e tregut vijon që të mbetet e lartë, ndërkohë që qarkullimi i monedhës vendase mbetet i ulët. Në këto kushte pritet që presioni për nënçmimin  euros të vijojë të jetë i pranishëm.

Nga 1 janari deri në 16 nëntor, kursi mesatar i këmbimit të euros është 128.6 lekë, nga 134 lekë që ishte mesatarja e vitit të kaluar, me një nënçmim prej 5.5 lekësh, duke u luhatur në nivelin më të ulët nga vitit 2008, kur monedha e përbashkët u këmbye mesatarisht me 122.8 lekë. Monitor

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/07/2019 - 14:23

Policia italiane ka arritur të shkatërrojë një rrjet të shpërndarjes së lëndëve të forta narkotike si kokaina dhe heroina.

Postuar: 18/07/2019 - 13:21

40-vjeçari, Domi Vuksani i dënuar nga drejtësia italiane me 12 vjet burg tentoi të hynte në vendi

Postuar: 18/07/2019 - 13:14

Policia e Korçës njofton se ka arrestuar një 25-vjeçar, pasi u kap me armë pa leje dhe municion.

Postuar: 18/07/2019 - 13:01

Prokuroria pranë Gjykatës së Shkallës së parë në Durrës ka deklaruar sot se nuk ka asnjë procedim

Postuar: 18/07/2019 - 13:00

Lajmi gjatë paradites së sotme se disa njerëz nga Ministria e Kulturës po zbraznin materialet e f

Postuar: 18/07/2019 - 12:34

Një 40 vjeçar është arrestuar nga forcat e rendit të Elbasanit, pasi pati konflikt me rojën e shk

Postuar: 18/07/2019 - 12:13

Gjykata e Vlorës i ka njohur mandatin kryebashkiakut të Himarës Jorgo Goro i cili zgjidhet për he