Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Hapet tenderi për Rrugën e Arbrit, më 2 tetor shpallet kompania fituese për projektin 254 milionë euro

Postuar: 11/08/2017 - 07:46

Për herë të parë pas 25 vitesh premtime nga të gjitha qeveritë e kësaj periudhe, duket se Rruga e Arbërit do të bëhet realitet nga qeveria “Rama 2”. Qeveria ka hapur zyrtarisht tenderin për ndërtimin e Rrugës së Arbrit, ndërsa Ministria e Transporteve publikoi në faqen e Agjencisë së Prokurimeve njoftimin, i cili fton kompanitë e interesuara të paraqesin ofertat për veprën që lidh Tiranën me Dibrën. Sipas njoftimit, ofertat do të hapen në datën 2 tetor, ndërkohë që ndërtimi i rrugës pritet të fillojë menjëherë pas firmosjes së kontratës me fituesin.

Tenderi i Rrugës së Arbrit

Rruga e Arbrit do të ndërtohet me partneritet publik-privat. Vlera e projektit është llogaritur 33.6 miliardë lekë, ose afro 254 milionë euro, por çmimi real i rrugës do të dalë vetëm pas tenderit. Sipas formës së përzgjedhur, kompania që do të shpallet fituese në tender do ta ndërtojë rrugën me fondet e saj dhe paralelisht do të ketë detyrimin për ta mirëmbajtur atë për 13 vitet e ardhshme. Ndërkohë, qeveria do ta paguajë rrugën me këste për një periudhë kohore prej 13 vitesh. Rruga e Arbrit ka një gjatësi prej 73.5 kilometër. Nga këto, 20.1 kilometër janë ndërtuar me paratë e buxhetit, ndërsa pjesa tjetër do të ndërtohet nga kompania private. Në prill të këtij viti, kur miratoi dhënien me koncesion të rrugës, qeveria shpërbleu me një bonus sa 10 për qind të pikëve ofertën e pakërkuar të kompanisë “Gjoka Construction”. Kompania, në ofertën e saj propozon për ndërtimin e rrugës brenda 46 muajsh për 33.6 mld lekë apo 250 mln euro për 69 km ku përfshihet edhe një tunel. Referuar këtij propozimi në këtë kosto përfshihen edhe studimi dhe rishikimi i projektit, konsulenca, mirëmbajtja e rrugës për 10 vjet dhe operimi i tunelit për 10 vjet. Skema e financimi është përllogaritur se 190 mln euro do të jepen nga kompania e mbështetur dhe 60 mln euro nga buxheti i shtetit.

Programi 1 miliard euro

Ndërtimi i rrugës së Arbrit është pjesë e programit 1 miliard euro, që u lançua nga qeveria në fillim të këtij viti. I pagëzuar me emrin “Programi i Rindërtimit”, ai synon tërheqjen e kapitalit privat në financimin e veprave publike, për të modernizuar infrastrukturën e vendit, jo vetëm atë rrugore por edhe në arsim e shëndetësi. Gjatë fushatës elektorale të zgjedhjeve që sapo kaluan, kryeministri Edi Rama premtoi nga Dibra se brenda shtatorit do të nisë puna për ndërtimin e Rrugës së Arbrit.

“Rruga e Arbrit, që është një zotim solemn i yni do të nisë nga puna me të përfunduar kontrata. Procedura është drejtë përfundimit dhe brenda shtatorit ne do të fillojmë punën dhe do t’i japim fund kësaj historie të pafund, që për çerekshekulli ju e keni dëgjuar dhe stërdëgjuar. Por unë ju them se brenda katër viteve të ardhshme, Dibra do të jetë e lidhur me Tiranën”, tha Rama në takimin elektoral. Në rrugën e Arbrit janë përfunduar 20 km dhe janë vënë në funksion, 15 km të ndërtuara jo plotësisht për mungesë shtresash rrugore, mbrojtjen skarpatesh dhe sinjalistikë ndërsa do të duhet të ndërtohen nga fillimi 41 km për të cilat 3 km janë by pass i Klosit dhe 3 km lidhje mes Maqellarës dhe Bllatës.

/Agjensia e Lajmeve Sot News/

Na Beni Like Ne Facebook: 
Total votes: 24

Lajme nga e njejta kategori

Postuar: 16/01/2018 - 19:54

Maturantët me rezultate të larta të cilët do të zgjedhin të studiojnë në një nga Fakultetet e Edukimit, do tu mbulohen tarifat e studimit nga Ministria e Arsimit.Qëllimi sipas Nikollës është rritja e cilësisë së mësuesve.

Postuar: 16/01/2018 - 19:30

Ministria e Punëve të Brendshme reagoi pas akuzave të Partisë Demokratike se efektivi i policisë që bënte pazare për shitje kokaine u arratis si shumë drejtues të tjerë të unifo

Postuar: 16/01/2018 - 18:42

Policia italiane ka arrestuar dy shqiptarë, të cilët akuzohen se kanë grabitur shtëpi në malet e krahinave të Reggio Emilias dhe Modena-s, në mënyrë sistematike për disa muaj

Postuar: 16/01/2018 - 18:30

Prej vitesh sëmundja e fruthit nuk ishte parë më në Shqipëri por vetëm ditën e djeshme u raportua për “rikthimin” kësaj sëmundje në 11 fëmijë të vegjël, tashmë të sh

Postuar: 16/01/2018 - 18:21

Vrasja e Emiljano Boçit pranë ish-parkut të autobuzave në Tiranës, dyshohet se është kryer nga vrasës me pagesë.

Postuar: 16/01/2018 - 17:46

Ky 17 janar shënon 550-vjetorin e vdekjes së Skënderbeut, përfaqësuesi më konsekuent dhe më i shquar i elitës drejtuese mesjetare shqiptare që udhëhoqi më vendosmëri frontin e l

Postuar: 16/01/2018 - 17:27

Këto janë pamjet e grabitjes së ndodhur një ditë më parë në sportelet e Hipotekës së Tiranë.