Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ndërron jetë aktorja Besa Imami, e njohur për publikun si Donika Kastrioti

Ndërron jetë aktorja Besa Imami, e njohur për publikun si Donika Kastrioti

Postuar: 21/09/2014 - 20:39

Ndërron jetë në moshën 86-vjeçare aktorja e  skenës shqiptare, Besa Imami, e cila vuante prej kohësh nga një sëmundje e rëndë. Aktorja Besa Imami ,ka lindur në 8 Gusht të vitit 1928 në qytetin e Gjakovës. Në vitin 1937, familja e saj u shpërngul nga qyteti i Gjakovës për tu vendosur në Tiranë. Që nga shtatori i vitit 1946 e deri në 1 Shtator të vitit 1988, Artistja e Merituar, Besa Imami i ka dhënë publikut mbi 90-të role, midis të cilave  përmendim rolin e Mbretëreshës Teuta tek “Artani”, rolin e Nënë Zyrasë tek “Bashkë me Agimin”, rolin e Prendës tek “Cuca e Maleve”, rolin e Rushës tek “Halili dhe Hajria”, rolin e Lajes tek “Lulet e Shegës”, etj.
 
Pas një shkëputje, Imami u rikthye përsëri në skenë në vitin 2004 për të interpretuar në dramën “Streha e të harruarve” të Ruzhdi Pulahës në rolin e malësores. Në kinematografi ajo u bë e njohur për publikun e gjerë me rolin e Donika Kastriotit në filmin “Skëndërbeu” të realizuar në vitin 1953. Më pas do të vijonin role të tjera si roli i Martës në filmin “Brazdat” në vitin 1973, roli i Nënë Tanës në filmin “Në fillim të verës” në vitin 1975, roli i Nënës së Gurgenit në filmin “Balada e Kurbinit” në vitin 1989 etj.
 
Roli i saj më i fundit është ai i Gruas myslimane në filmin “Eduart”në vitin 2006. Në vitin 1961, kur ishte vetëm 33 vjeç, Besa Imami për meritat e saj artistike do të vlerësohej me titullin “Artiste e Merituar”. Vetëm para 7 ditësh, nga një propozim i Fondacionit Kulturor Mbarëkombëtar “Nermin Vlora Falaschi” ajo është nderuar nga Gjakova, vëndlindja e saj  edhe me titullin “Nderi i skenës shqiptare”.
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 27/05/2019 - 12:15

Kryeprokurorja e Përgjithshme Arta Marku ka prezantuar përpara Komisionit të Ligjeve raportin e Prokurorisë për vitin 2018.

Postuar: 27/05/2019 - 11:46

Gazetari Artan Hoxha  ka ironizuar sërish presidentin Ilir Meta, i cili ka qënë pjesëmarrës

Postuar: 27/05/2019 - 11:27

Identifikohet dhe shpallet në kërkim autori i dyshuar i plagosjes së shtetasit R.K., ndodhur mb

Postuar: 27/05/2019 - 11:05

Zbardhen të tjera detaje nga atentati mbrëmë në Novoselë, ku mbeti i vdekur Sotiraq Mëhilli, 22 v

Postuar: 27/05/2019 - 10:53

Java e monedhave të huaja në tregun e këmbimit valutor ka nisur me një zhvlerësim të ndjeshëm.

Postuar: 27/05/2019 - 10:28

Forca të shumta të Policisë së Vlorë dhe FNSH-së po ushtrojnë kërkime të shumta në fshatrat e Vlo