Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rama takim me senatin e UT: Vonesa e pagave një shembull shumë i qartë që reforma është sfidë

Postuar: 14/02/2018 - 12:19

 Kryeministri Edi Rama ka zhvilluar një takim me senatin e Universitetit të Tiranës për debatin mbi reformën e arsimit të lartë dhe pagat e vonuara.

Por megjithëse ishin vetë disa pedagogë që kërkuan këtë takim, ata e kanë bojkotuar këtë takim, çka e ka detyruar Ramën të ketë një reagim. Ai tha se reformën nuk e merr peng askush dhe se sot Universitetit ka një sfidë të re, që është autonomia e zgjeruar.

“Nuk e di si justifikohet mungesa e atyre në takim, por di që reformën nuk e merr peng askush. Shqetësimet sado legjitime të jenë, janë mundësi të shprehen në rrugën e kësaj reforme. Universiteti sot ka një sfidë të re që është një autonomi e zgjeruar në letër. Debati që doja të bëja me universitetin, me senatin, me dekanët, me profesorët është çfarë do bëjë qeveria më shumë për të garantuar këtë autonomi, jo se si qeveria do ndërhyjë të ndajë engjëjt nga djajtë, këto janë një storie e kaluar që nuk ka lidhje as me mua e as me qeverinë”, tha Rama.

E pikërisht këtë sfidë kryeministri zgjodhi ta ilustrojë me vonesën e pagave të pedagogëve dhe stafit akademik.

“Vonesa e pagave një shembull shumë i qartë që reforma është sfidë edhe për ne që e kemi udhëhequr dhe e kemi kthyer në legjislacion, sepse na ka vonuar neve vetë si qeveri një debat mes Ministrisë së Arsimit dhe Ministrisë së Financave për trashëgiminë e grantit të pakushtëzuar. Ministria e Arsimit në këndvështrimin tim me të drejtë këmbëngul që granti i pakushtëzuar trashëgohet nga Universiteti kurse Ministria e Financve këmbëngul që trashëgohet por se duhet një miratim nga Ministria e Financave. U deshën disa ditë më shumë se normalisht për të hapur rrugën e zgjidhjes. Rruga e zgjidhjes është që fondet e universitetit trashëgohen dhe nuk varen nga urdhri i Ministrisë së Financave”, deklaroi kryeministri Rama.

 

/Agjensia e Lajmeve Sot News/

Na Beni Like Ne Facebook: 
Total votes: 28

Lajme nga e njejta kategori

Postuar: 22/10/2018 - 20:15

Një punonjës i OSHEE-së ka mbetur i plagosur teksa ishte në krye të detyrës. Ngjarja në fjalë ndodhi ditën e djeshme në Ferr Shkopet.

Postuar: 22/10/2018 - 19:48

RENEA dhe FNSH zbresin sërish në Shijak.

Postuar: 22/10/2018 - 19:44

Kur kanë ngelur edhe disa kohë nga mbyllja e afatit të aplikimit për lotarinë amerikane, Ambasada

Postuar: 22/10/2018 - 19:44

Avokati Altin Goxhaj ka reaguar pas skandalit të publikuar në mediat greke se nga fondi sekr

Postuar: 22/10/2018 - 19:34

Policia e Shtetit ka publikuar sot listën e kandidatëve fitues për Patrullën e Përgjithshme të po

Postuar: 22/10/2018 - 19:34

Vetëm pak ditë pas skandalit të publikuar në mediat greke se nga fondi sekret i ministrisë së Jas

Postuar: 22/10/2018 - 19:03

Katër shqiptarë dhe një grek kanë rënë në pranga pasi shpërndanin kokainë në lokalet e Athinës.