“ Të hetohen të paaftët në detyrë”/ Droga pranë shkollave, eksperti kriminalistikës lëshon ‘bombën’ dhe zbulon ‘zonat e kuqe’: Policët e implikuar mbyllin sytë para krimit

Shpërndarja e drogës pranë ambienteve të shkollave po kthehet në një situatë alarmante.

Eksperti i kriminalistikës, Artan Rexhepi shprehet se policia ka shumë elementë të inkriminuar dhe se duhet të vihen në hetim ata persona përgjegjës që mbulojnë zonën ku shpërndahet droga.

Në rastin konkret pash se ishin bllokuar një numër i caktuar celuolarësh për të cilët do kërkoja të bëheshin mjet hetimi për të parë nëse ka dhe policë të implikuar. Dyshimi është i përligjur sepse s’ka qenë e largët dita kur krerë të policisë ruanin parcelat me kanabis. Në gjykimin tim policia ka shumë elementë të inkriminuar. Pra që u godit u bë shumë mirë, është një operacion i admirueshëm dhe procedurialisht është punuar shumë mirë, por s’mund të themi se situata ka qenë e qetë dhe u pastrua. Në zonat që kanë dalë nga ky operacion si problematike, ka inspektorë specialistë, ka inspektorë të policisë të cilët duhet të kalojnë  në hetim për paaftësi në detyrë, duhet të ndalet policia këtu dhe ka rastin më të mirë për të pastruar radhët e saj.

Më tej ai shtoi se gjendja në Tiranë është alarmante dhe se krimi i sofistikon metodat dhe është avangardë ndaj policisë. Sipas tij, problemi qëndron se nuk e di raportin e policisë me densitet banorësh, por nuk është e lehtë ti shpëtosh policisë sidomos në këto shkolla apo lokale ku oferohet kokainë.

Nuk është e vështirë të zbulohet se ku shpërndahet. Minimalisht pa një mbyllje syri të policisë nuk bëhet. Mund të ketë dhe policisë që marrin tarifat për këto shërbime, prandaj reputacioni i policisë shqiptarë nuk është për tu përgëzuar sepse situata është alarmante, shkollat duhet të jenë të papushtueshme nga krimi, kaq detyrë e ka policia. Të shtohen efektivët, të shpëtojmë fëmijët nga droga sepse situata është shumë alarmante sepse nuk mund të lëmë një fëmijë që nuk është në gjendje të arsyetojë.