BREAKING NEWS

Pas skandalit të 'Fake News'-i i porositur nga këshilltari i Metës, reagon menjëherë Rama, ia numëron një nga një Presidentit: Më e neveritshmja është që plehrat i'u hodhën në fytyrë...

Pas skandalit të 'Fake News'-i i porositur nga këshilltari
x

Aktualitet

8 raste të reja me koronavirus në Shqipëri, ja çfarë shkruan Zëri i Amerikës

8 raste të reja me koronavirus në Shqipëri, ja çfarë

 

 

Në Shqipëri, autoritetet e Shëndetësisë njoftuan sot për 8 raste të reja me koronavirus, nga të cilët 7 janë kontakte të personave tashmë të prekur dhe vetëm një rast, në Rrogozhinë, ka një histori udhëtimi nga Italia. Në total numri i personave të infektuar ka arritur në 23, ndërkohë që është zgjeruar dhe harta e qyteteve nga ata janë. Kështu në Tiranë janë 16 raste, në Durrës 3 raste (një prej të cilëve, një grua 73 vjeçare ndërroi jetë dje në spital), në Lushnje 1 rast, në Elbasan 2 raste, dhe në Rrogozhinë 1 rast.

Zëvendës ministrja e Shëndetësisë, Mira Rakacolli shpjegoi se “5 nga të prekurit ndodhen në spitalin Infektiv në Tiranë (3 rastet nga i identifikuari i parë me COVID-19, një rast tjetër, 31 vjeçari me banim në Tiranë, me histori udhëtimi me Italinë dhe një grua 45-vjeçare nga Rrogozhina, me histori udhëtimi me Italinë). Gjendja e tyre deri në këto momente është e stabilizuar. Ndërsa 17 raste të tjera, që kanë rezultuar pozitiv janë të vetëizoluar në shtëpi pa probleme të veçanta".

Ndërkohë gjatë ditës së sotme autoritetet njoftuan për një përshkallëzim të masave për parandalimin e përhapjes së koronavirusit. Duke nisur nga mëngjesi i ditës së nesërme, deri të dielën në mesnatë, do të ndalohet qarkullimi i automjeteve private dhe atyre të transportit në 8 qytete të vendit, Tiranë, Durrës, Elbasan, Lushnje, Fier, Vlorë, Shkodër dhe Lezhë. “Këto masa ekstreme të kufizimit të lirisë së qarkullimit janë domosdoshmëri për të mbrojtur çdo qytetar, çdo familje dhe vetë Shqipërinë nga përshkallëzimi agresiv i sulmit të koronavirusit mbi të afërmit e të njohurit tanë”, shkruajti kryeministri Edi Rama në një postim në Facebook. Po ashtu gjatë ditës së nesërme administrata është urdhëruar të mos dalë në punë. Ndërkohë dhe komunitetet fetare kanë njoftuar anullimin e aktiviteteve si meshat apo faljet e besimtarëve pranë mjediseve të kishave dhe xhamive./voa

Më të lexuarat