A e ka arritur Shqipëria imunitetin e tufës? Përgjigjet Eugena Tomini

Drejtoresha e Epidemiologjisë pranë Institutit të Shëndetit Publik, Eugena Tomini, ka thënë se Shqipëria është larg imunitetit të tufës.

Sipas saj situata është duke u vlerësuar në mënyrë dinamike nga ekspertët, jo vetëm në mënyrë të përditshme.

“Duhet të kemi mbi 60% të popullatës të prekur ose të imunizuar. Jemi larg këtij imuniteti”, tha Tomini.

Tomini foli gjithashtu edhe për vaksinën, ku sipas saj tani ka një dritë jeshile.

“Deri në këto momente, kemi një dritë jeshile, por është një situatë për të shpresuar për të kaluar të gjitha fazat e një vaksine të sigurt. Të gjitha rrugët janë të hapura. Qeveria është në gatishmëri të plotë për të aplikuar për vaksinën, sipas një protokolli të miratuar edhe nga OBSH-ja”.