A janë sekuestruar kamerat e sigurisë në PD? Gazetari zbardh detaje të forta dhe zbulon lëvizjet e fundit të prokurorisë

Kreu i Partisë Demokratike Sali Berisha u godit të martën me grusht në fytyrë nga Gert Shehu, një 31- vjeçar i cili sipas mjekut që është marrë me kurimin e tij vuan nga probleme të shëndetit mendor.

Gazetari, Eni Ferhati komentoi në “Now me Erla Mëhillin” ngjarjen, duke thënë se ka kërkuar informacione nga policia që po vijon hetimet nën udhëheqjen e prokurorisë së Tiranës.

“Më është konfirmuar se nuk i janë drejtuar selisë së Partisë Demokratike për të marrë pamjet filmike dhe nuk dihet nëse realisht ai është parë brenda perimetrit të selisë së Partisë Demokratike para se të dilnin zoti Berisha dhe zoti Meta për t’iu drejtuar bulevardit Zhan Dark,” – u shpreh Ferhati.

Gazetari sqaroi se nuk është e sigurt prania e Gert Shehut në PD, prandaj dhe kamerat e sigurisë nuk janë sekuestruar ende.