A mund të dalë një tjetër listë e pagave? Avokati i njohur paralajmëron se skandali mund të thellohet: Ja çfarë pritet

Avokati Redi Lamaj foli në lidhje me dënimin me shërbim prove të katër zyrtarëve të cilët akuzohen për nxjerrjen e pagave të shqiptarëve vitin e kaluar.

I ftuar në emisionin “Good Morning Albanians” në Euronews Albania, ai nuk përjashtoi mundësinë se mundtë dalin dhe të dhëna të tjera.

Sipas tij askush nuk na ka dhënë garanci që të dhënat tona janë të sigurta.

“Ka ndodhur që disa raste që janë shumë të rëndësishme për median kanë kaluar në dënime të ulëta dhe janë zhbërë. Ajo që po diskutojmë sot pas dy javësh do të harrohet si çështje. Nuk ka përgjegjësi institucionale nëse kjo do të ndodh në  të ardhmen. Mund të ndodh një publikim tjetër. Ky është një fenomen  që ka ndodhur dhe më para. Kanë  dalë të dhëna që nuk duhet të nxirren në asnjë rast. Nga kjo përfitojnë dhe të tjerët, si në  rastin e iranianëve. Pjesa e daljes së pagave dhe pjesa e ndërhyrjes së iranianëve janë  dy gjëra të ndryshme”-tha ai.