Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Akuzohet për korrupsion, gjykata lë në burg kushëririn e gjyqtarit Shkëlqim Miri

Postuar: 14/11/2017 - 21:18

Kujtim Miri, kushëriri i dytë i gjyqtarit Shkëlqim Miri është lënë në burg pasi akuzohet për korrupsion. Gjykata e Krimeve të Rënda ka dhënë masën e sigurisë “arrest me burg” për Kujtim Mirin pasi dyshohet se ka qenë njëri prej sekserëve të marrëveshjes 30 mijë euroshe mes Shkëlqim Mirit dhe të kërkuarit Gentian Doda, për të lënë në fuqi vendimin e Gjykatës së Shkallës së Parë të Matit, që i kualifikoi veprën penale të dënuarit, duke sjellë edhe lirimin e tij.

Seanca u zhvillua ditën e djeshme te Gjykata e Krimeve të Rënda ku Kujtim Miri nuk preferoi që të fliste në sallën e gjyqit. Sipas dosjes hetimore, Kujtim Miri ka takuar disa herë Alban Bucin, i afërm të Gentian Dodës, për aferën e korrupsionit, shkruan “panorama”.

Buçi është i afërm i Gentian Dodës dhe ka qenë personi negociator për shumën që duhet të paguante i akuzuari te Shkëlqim Miri, që ky i fundit të votonte pro lënies në fuqi të vendimit të Shkallës së Parë të Matit.

Mësohet se takimet janë zhvilluar në një lokal në Fushë-Krujë. Në këtë kohë, Gentian Doda vuante dënimin për “vrasje me paramendim” në burgun e Fushë-Krujës. Kujtim Miri u ndalua një ditë pas arrestimit të gjyqtarit, por nuk ka preferuar të flasë për organet ligjzbatuese. Ndërkohë, vazhdojnë të jenë në kërkim Gentian Doda dhe Alban Buci.

Për këta të dy, Gjykata e Krimeve të Rënda ka dhënë masën e arrestit me burg në mungesë. Edhe këta akuzohen për korrupsion, ndërkohë që ende nuk ka ndonjë kundërshti për kualifikimin e veprës penale të të akuzuarit, e cila u ndryshua nga “vrasje me paramendim” në “plagosje e rëndë me dashje me pasojë vdekjen”.

Gentian Doda vrau në vitin 1997 Gazmir Dedën dhe një person tjetër në qendër të qytetit të Burrelit. Pas vrasjes, ai jetoi në arrati për shumë vite, ndërsa u dënua nga Gjykata e Matit me 20 vjet burg në mungesë. Doda u fsheh në Britani për një kohë të gjatë me emrin e një refugjati lufte nga Kosova, së bashku me vëllanë e tij. Mirëpo, ka qenë një udhëtim në SHBA që e vuri pas hekurave.

Në vitin 2012, Ministria e Drejtësisë së Shqipërisë arriti marrëveshjen me autoritetet amerikane për ekstradimin e Dodës, me kushtin që të bëhej rigjykim, pasi ishte dënuar në mungesë. Pas disa vitesh kërkesa dhe ankimime, rigjykimi vendosi kualifikimin e veprës penale të Dodës, me argumentin se viktima kishte ndërruar jetë disa ditë më pas në spital dhe se mes autorit dhe viktimës nuk kishte pasur konflikte të mëparshme.

Këtë vendim, Prokuroria e apeloi në Apelin e Tiranës dhe Gentian Doda e pagoi 30 mijë euro Shkëlqim Mirin, që ky i fundit të votonte pro lënies në fuqi të atij vendimi, gjë që do të sillte lirimin e tij. Apeli i Tiranës la në fuqi vendimin e Matit në një votë 2-1, ku pro votoi edhe relatori Agim Bendo, por për të cilin nuk ka prova se është korruptuar. Kujtojmë se gjatë kontrollit, në banesën e Shkëlqim Mirit u gjetën rreth 330 mln lekë të vjetra, nga 30 që kishte deklaruar gjyqtari.

/Agjensia e Lajmeve Sot News/

Na Beni Like Ne Facebook: 
Total votes: 19

Lajme nga e njejta kategori

Postuar: 17/02/2018 - 19:47

Të shtëna me armë janë shënuar mbrëmjen e sotme në Laç.

Nga të dhënat e para, raportohet për një person të plagosur.

Sipas informacioneve paraprake i plagosur ka mbetur Gent Bushi. Nuk dihen ende motivet e plagosjes, ndërsa një person është shpallur në kërkim.

 

 

Postuar: 17/02/2018 - 19:35

Mëgjesin e sotëm një tërmet 4.3 ballë i shkallës Rihter goditi juglindjen e vendit.

Postuar: 17/02/2018 - 19:24

Është arrestuar një nga autorët që plagosi me armë zjarri 2 persona në zonën e Selitës ditën e djeshme në Tiranë.

Postuar: 17/02/2018 - 19:00

Një person ka rënë sot në pranga pasi ka qëlluar me armë zjarri në ajër.

Ngjarja ka ndodhur në Bardhaj të njësisë administrative Rrethina në Shkodër.

Postuar: 17/02/2018 - 18:57

Instituti i Gjeoshkencave njoftoi se sot pasdite nuk priten reshje, ndërsa të dielën pritet që reshjet të rifillojnë mbasdite në të gjithë vendin.

Postuar: 17/02/2018 - 18:42

Tirana po kthehet gjithnjë e më shumë në një qendër rajonale.

Postuar: 17/02/2018 - 18:37

Tre persona, mes tyre dy shqiptarë janë arrestuar këtë të shtunë nga karabinierët e Leçes, që kanë sekuestruar mbi 250 kg marijuhanë, raportojnë mediat lokale.