Alimehemti: Varantit Omicron i duhet koha e tij të spostojë Deltën me të paktën 4 javë, fëmijët e kalojnë më lehtë

Varianti Omicron është dominues tashmë në 95 për qind të rasteve, pas një cikli 4 javor infektimesh. U paralajmërua se Omicron do të kishte një transmetueshmëri më të lartë se Delta dhe kështu ndodhi. Që prej datës 5 janar kurba e infektimeve në Shqipëri nisi rritjen për të regjistruar ditë pas dite shifra rekord, që nga nisja e pandemisë. Lidhur me situatën e pandemisë në vendin tonë, ka folur edhe epidemiologu Ilir Alimehmeti në një intervistë televizive. Ai u shpreh, se Omicron variantit të ri të Covid i duhet pak kohë që të largojë variantin Delta. Alimehmneti theksoi, se Omicron i duhen të paktën 4 javë. “Në janar nuk patëm vetëm variantin Omicron, por edhe Deltën. I duhet koha e tij të spostojë Deltën me të paktën 4 javë. 4 javë kaluan dhe tani kemi 95% Omicron. Nëse nuk hynë variant BA.2 kurba do të nisë të ulet”, tha mjeku Ilir Alimehmetaj. Numri i infektimeve ka nisur të ulet edhe të nxënësit në shkollë. Ministria e arsimit raporton se janë përgjysmuar rastet, pas shkëputjes tre ditore nga mësimi. Megjithatë, sipas epidemiologut Alimehmeti ky nuk është shqetësimi real, pasi vëmendja duhet të jetë te mosha e tretë dhe shtrimet në spital. “25 për qind më pak raportohen shtrimet në spitalet Covid krahasuar me një muaj më parë kur dominonte delta. Fëmijët e kalojnë më lehtë dhe mësuesit janë të vaksinuar. Pra nuk na shqetëson infektimi i këtyre kategorive. Nëse infektohen 50 mijë të rinj e të vaksinuar, nuk ndodh gjë. Nëse infektohen 500 mosha të treta e të pavaksinuara, mbushen spitalet”, shtoi Alimehmeti. Sipas tij, shtimi i testimeve është medota më e mirë për të parë realisht se në çfarë pike ndodhet Shqipëria. Ai tha se të njëjtën gjë po bën Kosova, e cila ka një pozitivitet më të ulët të rasteve sesa vendi ynë, ndonëse ka më shumë infektime të raportuara. “Kosova teston 15 mijë, ne 7 mijë. Sigurisht që ka më shumë infektime pro vetëm 25% janë pozitiv, ne kemi 31% pozitivitet”, tha ai.