Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Analisti i njohur i habit të gjithë: Dy momente spiunazhi nga Ambasada në Tiranë

Postuar: 15/03/2019 - 21:44

Analisti Lorenc Vangjeli ka pohuar për herë të parë në Java në RTSH dy momente të verifikuara sesi një Ambasadë e huaj në Tiranë është përfshirë në spiunazh.

Pa përmendur se cila është Ambasada, por duke treguar vendndodhjen e saj në afërsi të Bulevardit “Dëshmorët e Kombit”, Vangjeli thotë se ato janë të lidhura me protestat e vjeshtës 2013 kundër ardhjes së armëve kimike siriane në Shqipëri dhe me vizitën e “Atit të Shenjtë”, një vit më pas, shtator 2014, në Tiranë.

“Ka dy momente të verifikuara të ndërhyrjes direkte dhe shumë të fortë të një ambasade vendi jo aleat me Shqipërinë në veprimtari të mirëfillta jo-diplomatike. Por për to nuk është folur kurrë dhe Java në RTSH i dëshmon sot për herë të parë, të konfirmuara nga burime të besueshme, vendase dhe të huaja.

Hera e parë ka qenë gjatë protestave masive kundër Edi Ramës, në vjeshtën e vitit 2013 për ardhjen e armëve kimike siriane në Shqipëri.

Politikanë periferikë, personazhe të njohur të shoqërisë civile dhe njerëz të medias, kanë pasur kontakte të parregullta me pjestarë të kësaj ambasade, e cila ishte e interesuar që një gjë e tillë të mos ndodhte, siç edhe ndodhi me atë operacion të inicuar nga amerikanët dhe në interes strategjik të vetë NATO-s.

Asgjësimi i armëve kimike siriane ndodhi në anën tjetër të Adriatikut, në Itali pa absolutisht asnjë incident.

Hera e dytë ka qenë pak ditë përpara vizitës në Atit të Shenjtë në Tiranë. Papa Françesku do të zbriste në Shqipëri në shtator 2014, por përpara tij, shërbimet sekrete shqiptare të asistuara shumë fort nga partnerët ndërkombëtarë, kryen rikonicion në rrugët që pritej të kalonte Ati i Shenjtë.

Në këtë ambasadë, që ndodhet pranë Bulevardit Dëshmorët e Kombit u zbulua prania e një pajisjeje përgjuese të papërshtatshme për veprimtari  normale diplomatike.

Pak kohë më pas, një diplomat i kësaj ambasade, zëvendës atasheu ushtarak i saj, shqipfolës i shkëlqyer, u kërkua të largohej si person non grata nga vendi për shkak të veprimtarisë së papërshtatshme që zhvilloi pranë një aktiviteti të NATO-s në Tiranë. Kohë më pas, të njëjtin fat e pati edhe shefi I tij, por incidenti nuk u bë publik.

Java në RTSH po e tregon një gjë të tillë sot për herë të parë. Këtë javë, në komisionin e sigurisë në parlament, kreu i SHISH Helidon Bendo mbajti një raport konfidencial për shqetësime në fushën e sigurisë në vend.

Raporti ishte konfidencial dhe mbledhja u bë me dyer të mbyllura”, tha Vangjeli.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/05/2019 - 23:57

Ditën e sotme studentët protestuan para ministrisë së Arsimit duke ndezur zjarr e duke thyer xhama.

Postuar: 22/05/2019 - 23:54

Edhe gjatë ditës së nesërme priten reshje të dobëta shiu në qarqet Shkodër, Kukës, Lezhë, Dibër,

Postuar: 22/05/2019 - 22:45

Dy ditë para votimit të Skënder Gjinushit për në krye të Akademisë së Shkencave, akademiku Artan

Postuar: 22/05/2019 - 21:16

Nga aksidenti në Rumani ku humbi jetën oficeri shqiptar i kontaktit, Ervin Dervina dhe bashkëshor

Postuar: 22/05/2019 - 20:57

Katër shqiptarë janë arrestuar në Itali, pasi akuzohen akuzohet për grabitje në disa zona të Ital

Postuar: 22/05/2019 - 20:38

 Sot në Rumani, si pasojë e një aksidenti automobilistik, ka humbur jetën Ervin Dervina, Ofi

Postuar: 22/05/2019 - 20:36

Një person është plagosur në qytetin e Sarandës.