Aktualitet

Armë gjahu dhe dy shpata me vete, arrestohet në flagrancë “Sandokani” i Divjakës

Armë gjahu dhe dy shpata me vete, arrestohet në flagrancë

Policia e Divjakës arrestoi një 51-vjeçar i cili akuzohet për armëmbajtje pa leje. I ndaluari është shtetasi N. P, 51 vjeç, banues në Muçias, Policia i sekuestroi 1 armë gjahu dhe 2 thika të cilat i mbante pa lejen e organeve kompetente.

Njoftimi nga policia:

Mbante pa leje armë gjahu dhe armë të ftohta, arrestohet në flagrancë poseduesi.

Sekuestrohet 1 armë gjahu dhe 2 thika.

Në vijim të punës për të parandaluar dhe goditur paligjshmërinë, nga specialistët për hetimin e krimeve në Komisariatin e Policisë Divjakë, është goditur një tjetër rast i armëmbajtjes pa leje.

Shërbimet e Komisariatit të Policisë Divjakë, në bazë të informacioneve të mara në rrugë operative, i gjetën shtetasit N. P, 51 vjeç, banues në Muçias, 1 armë gjahu dhe 2 thika të cilat i mbante pa lejen e organeve kompetente.

Në përfundim të veprimeve të kryera, është bërë arrestimi në flagrancë i shtetasit N. P për veprat penale “Mbajta pa leje e armëve të gjuetisë” dhe “Mbajtja pa leje e armëve të ftohta”.

Materialet proceduriale për veprime të mëtejshme i kaluan Prokurorisë pranë Gjykatës së Shkallës së Parë Lushnjë.