BREAKING NEWS

CNN trondit demokratët në SHBA: Ja zgjidhjet ligjore dhe kushtetuese që Trump të qëndrojë në detyrë

CNN trondit demokratët në SHBA: Ja zgjidhjet  ligjore dhe kushtetuese
x

Aktualitet

Arrestimi i avokatit të njohur në Lezhë, Policia jep informacion zyrtar, tregon çfarë ndodhi gjatë sherrit

Arrestimi i avokatit të njohur në Lezhë, Policia jep informacion

Policia e Lezhës ka sqaruar shoqërimin e  avokatit Gjergj Neli, për të cilin bashkëshortja e tij tha se është dhunuar nga uniformat blu.

Policia tregon se avokati dhe bashkëshortja e tij janë konfliktuar me një shtetas dhe në momentin e ndërhyrjes, avokati Neli ka goditur me grusht dhe i ka grisur bluzën një efektivi

Njoftimi i policisë:

Më datën 27.10.2020 rreth orës 15:10, në sallën operative të DVP ka ardhur një telefonatë për një konflikt, në afërsi të hotel turizmit Lezhë.

Menjëherë kanë shkuar shërbimet e Policisë në adresën e dhënë, ku kanë konstatuar shtetasin Gj.N.,dhe bashkëshorten e tij shtetasen Sh.M.,me profesion avokat duke u konfliktuar me një shtetas.

Punonjësit e Policisë kanë ndërhyrë për të penguar përshkallëzimin e mëtejshëm të konfliktit, por shtetasi Gj.N., i ka kundërshtuar me dhunë duke goditur me grusht dhe grisur bluzen njërit prej punonjësve të Policisë.

Shtetasi Gj.N.u shoqerua në Komisariatin e Policisë Lezhë. Në vijim të veprimeve nga oficeri i Prokurorisë së Rrethit Gjyqësor Lezhë u bë arrestimi në flagrancë i shtetasit Gj.N.,68 vjeç, banues në Lezhë. Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme për veprën penale “Kundërshtimi me dhunë i punonjësit të rendit publik”.