Arrestimi i Erzen Breçanit nga operacioni i SPAK, gazetari i njohur plas 'bombën': Krimi i organizuar ka investuar edhe në media

Gazetari Poli Hoxha ka kometuar operacionin e SPAK ku ndër të tjera ka rënë në pranga ish-drejtori i policisë Erzen Breçani.

Në fjalën e tij gazaetari ka bërë një deklaratë tronditëse, teksa ka treguar se krimi i organizuar tashmë është prezent edhe në media.

“Këto nuk janë gjëra të reja, këto janë skema që ndoshta do i shikojmë edhe në pjesë të medias.

Nuk del skema kur krimi i organizuar investon vetëm për policin, prokurorin, politikanin, shefin e policisë, do investosh edhe tek unë, po e them në metaforë.

Do investosh tek media, sepse ndryshe dal unë këtu në media dhe ta hedh në erë. Skema e mafies kështu funksionon në gjithë botën, jo se e them vetëm unë.

Vetëm nga personazhet  po ta shikosh del një ngjizje e jashtëzakonshme e të ashtëquajterve armiq, që bënin dje sikur vriteshin me njëri-tjetërin në Parlament që kanë investuar në kullat, tek bizneset. Në këto dosje ke tendera, të komapnive të këtyre që disa i kanë në emer të babait, të tjerë në emër të vëllait. Kjo është ngjizja që ka ndodhur prej 32 vitesh por shyqyr që SPAK i ka mbyllur veshët dhe nuk dëgjon më ne dhe as konferencat për shtyp apo politikanët.”- tha Hoxha