Artan Hoxha zbulon për herë të parë SMS-në që mori zyrtari i policisë një ditë para se Basha të denonconte në Parlament për “Toyota Yaris” të mbushura me lekë

Gazetari Artan Hoxha ka komentuar zhvillimet e fundit në vend.

Teksa ish-kryeministri Sali Berisha ka përmendur dosjen e “ Toyota Yaris”  dhe lidhjet e Lulzim Bashës me këtë çështje, Hoxha ka zbuluar mesazhin që ka marrë një zyrtar i Policisë së Shtetit një ditë para se Lulzim Basha të denonconte në Parlament se në Shqipëri do të futeshin nëpërmjet një makine “Toyota Yaris” 5 milionë euro.

Pjesë nga biseda në Opinion

Hoxha: Mesazhi që i ka shkuar Policisë së Shtetit në datën 20, një zyrtari të policisë.

Fevziu: Një ditë para se Basha ta bënte publike

Hoxha: Desha të informoj për diçka me rëndësi sonte nga darka, në njërën nga pikat e kalimit kufitar, Durrës, ose 90% Hani i Hotit ose Muriqan, pritet të futet një karrotrec me disa mjete të ngarkuara dhe njëri nga mjetet ka të fshehur një sasi të madhe parash të një klani trafiku. Karrotreci është me targë AA 120 SP. Jam i Shërbimit Informativ, por desha të ngelem anonim, ndaj po ju tregoj juve”