Artur Meçollari jep 'llogari' për herë të dytë në SPAK dhe zbardh detajet: Kam paditur dhe ish-Shefin e Shtabit Bajram Begaj. Ja çfarë ka ndodhur në bazën e Shëngjinit

Për herë të dytë brenda pak ditësh, ish-Zv.komandanti i Forcës Detare Artur Meçollari është thirrur në SPAK për të dëshmuar në lidhje me hetimin që po zhvillohet për pronat e ushtrisë. Ai tha se ish-Shefi i Shtabit dhe zyrtarë të tjerë kanë lejuar një ndërtim 4 katësh brenda bazës ushtarake të shëngjinit në shkelje të rregullave dhe pa autorizimin e Presidentit.

Ish-Zv.Komandanti i Forcave Detare, Artur Mecollari u paraqit për herë të dytë në spak brenda pak ditësh ku dha shpjegime për kallëzimin e bërë ndaj disa zyrtarëve të lartë në lidhje me menxhimin e pronave të ushtrisë.

Artur Meçollari: “Ish-Shefi i Shtabit të Përgjithshëm, Gjeneral Major, Bajram Begaj, ish-Komandanti i Flotës Detare, Gjeneral-Brigade, Ilir Djepaxhia dhe ish-Komandanti i Policisë Ushtarake, Kolonel Altin Kurtin”

Mecollari tha se ka shpjeguar para prokurorëve shkeljen që ka ndodhur me bazën e ushtrisë në Shëngjin, ku sipas tij është lejuar një ndërtim 4 katësh. 

Artur Meçollari: “Kanë lejuar ndërtimin në pronën e ushtrisë të një godine 4-katëshe. Ata e dinë, dhe duhet të shpjegohen ata”.

Sipas Mecollarit, vendimmarrja për asetet e ushtrisë është kryer në shkelje të procedurave ligjore

Artur Meçollari: “Nuk kanë leje nga Presidenti, pasi është ai autoriteti që vendos për pronat e ushtrisë. Nëse do të jepej me qira duhej të dilte nga plani. Pra, nuk është bërë procedura”.

Për abuzimet me pronat e ushtrise, SPAK ka marrë në pyetje edhe ish-Shefin e Shtabit të ushtrisë Bardhyl Kollçaku dhe ish-ministren e Mbrojtjes, Olta Xhaçka. Hetimi përfshin edhe menaxhimin e bazës së ushtrisë në Sarandë.