BREAKING NEWS

Paralajmërimi i bujshëm i John Bolton: Ju tregoj si do të ndikojë roli i Joe Biden në bisedimet Kosovë – Serbi (VIDEO)

Paralajmërimi i bujshëm i John Bolton: Ju tregoj si do të
x

Aktualitet

Atentati ndaj prokurorit Ndoja, tre të mitur dëshmitarë, plani ishte ekzekutimi i të tre personave, zbardhen detaje të reja nga ngjarja

Atentati ndaj prokurorit Ndoja, tre të mitur dëshmitarë, plani

Detaje të reja janë zbardhur lidhur me atentatin me armë zjarri ndaj prokurorit Arjan Ndoja, ngjarje kjo e ndodhur më 1 nëntor 2019 në Shkozet të Durrësit. Referuar dosjes hetimore të SPAK personi i cili ishte në rolin e ekzekutorit, Redjan Rraja që prej fillimit kishte në shënjestër 3 persona, prokurorin e Durrësit Arjan Ndoja, mikun e tij, Aleksandër Laho i njohur me nofkën Rrumi dhe shoferin e familjes Andi Maloku. Mësohet se Rraja gjithashtu ka krijuar një grup të strukturuar kriminal me qëllim ekzekutimin e tyre. “Autorët kanë patur në shënjestër të tre personat që udhëtonin në automjet, për faktin se cilësitë e Arjan Ndoj si prokuror ishin të njohura”, thuhet në dosjen hetimore të SPAK. Po nga dosja hetimore theksohet se, qëllimi i eliminimit fizik të 3 personave të sipërpërmendur, vërtetohet nga përgatitja e autorëve për ngjarjen ku secili prej tyre mësohet të ketë studiuar lëvizjet e të dëmtuarve, si dhe nga fakti që ata qëlluan në drejtim të automjetit të prokurorit me armë zjarri shumë të fuqishme, si automatik model 56, mesa duket organizimi i këtij plani mafioz ka qenë i mirëmenduar. “Intensiteti i sulmit tregon qartë se autorët nuk kanë qenë përzgjedhës në shënjestrën e tyre, por kanë patur objekt automjetin, ku ndodhej prokurori dhe dy personat e tjerë”, thuhet në dosje. Më tej, në dosjen hetimore të SPAK rezulton se ish-dentisti i burgut Rraja ishte në rolin e ekzekutorit, ndërsa Arjol Halilaj ndihmës, për faktin se siguroi automjetin që u përdor dhe largoi nga vendi i krimit atentatorët. Gjithashtu në dosje theksohet se, ekzekutori Rraja gjithmonë ka mohuar lidhjen me krimin, megjithatë një palë syze të gjetura në makinën e braktisur në Shkafanë si dhe një kampion ADN që u përftua në një kapuç janë dy nga provat kryesore të cilin e kanë nxjerrë zbuluar personin në fjalë. Prokuroria thotë gjithashtu se Rraja gënjen edhe lidhur me lëvizjet që ka bërë ditën e ngjarjes, pasi ai mësohet të ketë thënë se ka shkuar në Durrës të kolaudonte makinën, ndërkohë që veprimet i kreu Arjol Halilaj. Ish-dentisti deklaron gjithashtu se drejt Tiranës u rikthye rreth orës 17.00 të datës 1 nëntor, por në fakt nga pamjet filmike rezulton se automjetin e tij e drejtonte një person tjetër. E ky varg hetimesh duket se nuk e kanë bindur ende Redjan Rrajën, për të pranuar përfshirjen në ngjarje dhe bashkëpunimin me drejtësinë. Duhet theksuar sërish se, prokuroria deri më tani nuk ka mundur të zbardhë motivin e krimit, me një person të vrarë e dy të plagosur.
3 të mitur dëshmitarë
Megjithatë justifikimet e vazhdueshme të Rrajës për mospërfshirje në këtë ngjarje, rrëzohen edhe nga familjarët e tij. Konkretisht, bashkëshortja ka dëshmuar se për rreth një muaj nuk ishte takuar me të, pasi Redjani i kishte thënë që ndodhej jashtë vendit, ndërsa e merrte në telefon dhe pyeste vazhdimisht me fëmijën. “Nga kjo del qartë se Redjan Rraja në përpjekje për ndërtimin e një alibie ka përgatitur familjarët e tij se do të ikte jashtë shteti”, thekson prokuroria. Ndërkohë, një tjetër provë e fortë ndaj tij pritet të jenë dëshmitë e tre vëllezërve të mitur, të cilët panë atentatorët teksa braktisën makinën në pronën e familjes së tyre. Kështu, njëri prej të miturve mësohet të ketë thënë se personat ishin të maskuar dhe mbanin armë. Ndërsa në sediljen e pasme kishin lënë automatikët. Djali tregon se teksa largoheshin, pranë tyre u afrua një automjet tjetër dhe njëri nga personat që ndodhej në të i kërcënoi duke iu thënë “pse se përfunduat punën, do tju pres fytin”. E në këtë rrjedhë hetimesh, lidhur me Redjan Rajën, SPAK është duke vijuar gjithashtu hetimet për të identifikuar jo vetëm atentatorin e dytë, por edhe urdhëruesit e krimit.

Më të lexuarat