“Aty nuk hyje dot pa pasur mik”/ Bllokimi i Rinasit, Artan Hoxha nxjerr prapaskenat e rëndësishme dhe qëllimet e fshehta ndaj qeverisë Rama: Përzgjedhja e stafit i ishte lënë në dorë kësaj partie!

Gazetari Artan Hoxha shprehet se bllokimi i trafikut ajror nga kontrollorët nuk ka dëmtuar vetëm politikën.

I ftuar në emisionin “Arnautistan”, Hoxha u shpreh se protestuesit në Rinas pretendonin që përmes bllokimit të vinin me shpatulla pas murit kryeministrin Edi Rama dhe dhanë përshtypjen e një grushti shteti. Por, sipas tij qeveria duhej ta kishte nuhatur reagimin e tyre dhe nuk duhej të lejonte të ndodhte.

“Më duket si një skenë qesharake sepse qeveria e sotme po korr atë që ka mbjellë sepse kur ka bërë përzgjedhje të punonjësve në Albkontroll ka qenë e sigurt për rrogat e larta, që janë dy herë më të larta se e presidentit. Aty nuk hyje dot pa pasur një mik. Përzgjedhja e atij stafi ka qenë e tillë. Kjo si kompani i është lënë edhe aleatëve. I është lënë LSI dhe ajo bëri atë që di të bëjë më mirë. Aty ka një veçori që nëse bëhesh pjesë e stafit trajnohesh dhe bëhesh i rëndësishëm dhe i pazëvendësueshëm. Ata kanë menduar se do vëne me shpatulla pas muri qeverinë duke bllokuar udhëtimet por Rama reagon ashtu siç di të bëjë më mirë. Në pamje të parë u krijua përshtypja e një grushti shteti sepse kur ka luftë aeroportet janë të parat që bllokohen. Qeveria duhej ta kishte nuhatur dhe të mos e lejonte të ndodhte këtë, pasi aty do të zbresin edhe zyrtarë të lartë. Punonjësit e kanë nisur këtë që në maj të vitit të kaluar. Shteti duhet ta hetojë këtë që të mos ndodhë më. Ata i kanë lënë të gjithë në ajër sot. Përmes kësaj proteste nuk është dëmtuar vetëm politika, një qytetar sot kishte për të sjellë një trup të pajetë dhe ka mbetur në aeroport”, tha Hoxha.