Baton Haxhiu nxjerr “zbuluar” Ilir Metën: Nuk duhet të ishte në karrige...

Gazetari Baton Haxhiu ka komentuar rolin e Presidentit të Republikës, Ilir Meta si kryetar shteti gjatë mandatit të dytë të qeverisë “Rama”.

“Presidentin që është një post honorifik, Meta e ka kthyer në post politik. Presidenti realisht është shkelësi më i madh i Kushtetutës në historinë shqiptare”, tha Haxhiu.

Për Haxhiun nëse çështjet e përplasjes mes mazhorancës dhe Presidentit do të përfundonin në gjykatë, Meta do të ishte humbësi më i madh.

Ai shkoi më tej duke thënë se Meta mban postin e Presidentit në kushtet e konfliktit të interesit duke iu referuar faktit se bashkëshortja e tij, Monika Kryemadhi drejton një forcë politike.

“Një president nuk duhet të ishte në karrige duke pasur gruan kryetare partë kjo nuk është çështje morali është në konflikt të hapur interesi”, tha Haxhiu për Euro News Albania.