Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Burri këngëtar e dhunonte dhe e tradhtonte, e reja tregon dramën: Nëna më kërkonte të prostituoja

Postuar: 16/11/2018 - 13:43

Historia plot drama e një 28-vjeçareje është bërë sot pjesë e emisionit “Me zemër të hapur” në ‘News24’. E ftuar në studion e emisionit, përballë moderatores Evis Ahmeti, Alma tregon se u martua në vitin 2010 dhe se pas 2-3 muaj njohje dhe fejese ngeli shtatzënë. Kjo i detyroi të bënin dasmë dhe të martoheshin me Ylberin. Gjatë martesës erdhën në jetë 2 fëmijë, 2 djem të cilët aktualisht janë 8 dhe 6 vjeç (shkojnë në klase të parë dhe të tretë).

Gjatë martesës burri punonte dhe blenë tokë, me pas ndërtuan në atë tokë edhe një shtëpi private, por marrëdhënia në çift nuk po shkonte si duhej. Sipas 28-vjeçares bashkëshorti e dhunonte, abuzonte me drogat dhe e tradhtonte me të tjera. Kjo solli ndarjen dhe Alma ju drejtua gjykatës, para 2 vitesh është bërë dhe divorci. Gjykata vendosi që kujdestarinë e fëmijëve t’ia lërë asaj ndërsa ish-bashkëshorti të paguante në total për të dy djemtë një pension ushqimor prej 15 mijë lekësh të reja. Prindërit e saj janë divorcuar që kur ajo ishte 16 vjeçe dhe shkoi të jetonte me nënën, e cila vete nuk ka banesë, por jeton ne një shtëpi me qira. Babai nuk ishte dakord për divorcin, sipas tij ajo duhej të duronte dhunën e burrit, pasi nuk kishte ku të shkonte dhe që atëherë nuk flet dhe s’ka asnjë komunikim me të. Për të disatën herë nëna është zënë me të dhe e ka nxjerrë përjashta nga shtëpia se bashku me 2 fëmijët e vegjël. Aktualisht ajo është strehuar për pak ditë tek shtëpia e tezes, por ka ngelur në qiell të hapur.

Punonte prej disa vitesh në një fabrike, këto ditë e ka lënë sepse nuk ka ku të lërë fëmijët. Pasi është konfrontuar me të ëmën fizikisht kanë shkuar të dyja në polici dhe kanë firmosur që nuk do t’i afrohen me njëra-tjetrës. Nëna thotë Alma e ka detyruar të marrë kredi për të paguar qiranë e shtëpisë, i ka thënë që do të jetojë jetën e saj dhe nuk e ndihmon më. Madje ajo e akuzon nënën se i ka kërkuar edhe të prostituoje për të fituar disa para, gjë që ajo se ka bërë kurrë. Ish-burri i ka kërkuar disa herë t’i marrë ai fëmijët, por ajo thotë se do t’ia jap vetëm atëherë kur të vdes. Ai ka pasuri, por jep për fëmijët vetëm pensionin ushqimor te vendosur nga gjykata. Gjatë martesës për shkak të dhunës Alma është pajisur 2 herë me urdhra mbrojtje. Ish-burri është këngëtar popullor, por ka patur probleme me drejtësinë, është arrestuar edhe nga policia pasi ka telefonuar Alma dhe ka kërkuar ndihmë “Me ndihmoni burri po kërkon të me vrase”, policia ka parandaluar ngjarjen. Sot 28-vjeçarja kërkon ndihmë pasi është në qiell të hapur me 2 fëmijët e saj.

“Unë dua ndihmë, por nuk mund të kthehem kurrë tek banesa e ish-burrit tim. Ai më ka dhunuar tërë jetën, më ftohen duart sa më afrohet e të më prekë. Si harroj ato skena dhune. Shkova një vit më parë dhe pastrova shtëpinë dhe më erdhi kunata dhe më tha; ik që këtej se të ka marrë veç për pastruese. Dua një tjetër zgjidhje”, tha Alma.

Pjesë e emisionit “Me zemër të hapur” është bërë dhe tezja e Almës, e cila shpjegoi po ashtu edhe sherrin nënë e bijë.

“Motra ime përderisa e mori përsipër çupën dhe fëmijët ti dale për zot tani. Ato kanë mosmarrëveshje nënë e bijë, jo ti mbaj fëmijët jo s’ti mbaj fëmijët, çupa duhet të iki në punë se paratë nuk ju dalin, motra ime është e papunë, shtëpinë e ka me qira. Ato të dyja kanë faj, unë ju flas te dyjave, po më shumë faj ka motra ime. Ato nuk merren vesh me njëra-tjetrën. Motra ime nuk ulet, me atë unë nuk flas, vajza është e ndershme e mirë. E mori përsipër ta mbajë gocën. Unë nuk flas me motrën time për shkak të vajzës po bëj 4 muaj, që të dyja kanë faj. Kjo e ka goditur, por ajo si nënë duhet të ulet. Babai nuk e fut në shtëpi vajzën as me gjallë e as me vdekje se psee  la burrin, nuk donte që vajza të ndahej. Unë nuk mundem ta mbaj, i kam thënë, nuk kam çfarë të bëj. Babai i fëmijëve nuk përgjigjet”, tha tezja e 28-vjeçares.

Vet Alma i kërkoi falje nënës për veprimin që kishte bërë duke e goditur. Pas telefonatës së tezës, ka ardhur edhe reagimi nga nëna e Almës.

Pjesë nga intervista me nënën e Almës:

Evis Ahmeti: cili është raporti me vajzën tënde?

Nëna në telefon: Ajo e di mirë nëna ka 9 vjet qe merret me të, u martua, u divorcua.

Evisi: Kush e martoi?

Nëna: Vetë u martua

Evis Ahmeti: Para pak minutash ishte motra juaj në telefon, ajo ju bën ju përgjegjëse për martesën e Almës

Nëna e mbylli telefonin

/Agjensia e Lajmeve Sot News/

Na Beni Like Ne Facebook: 
Total votes: 5

Lajme nga e njejta kategori

Postuar: 10/12/2018 - 18:49

Në ditën e shtatë të protestës, studentët paralajmërojnë zhvillime të reja.

Postuar: 10/12/2018 - 18:15

 Pedagogu Ermal Hasimja mbështet protestën e studentëve që kërkojnë uljen e tarifave, por u

Postuar: 10/12/2018 - 18:09

Një tjetër operacion anti-drogë është zhvilluar nga policia Helene në kufirin greko-shqiptar.Në a

Postuar: 10/12/2018 - 17:50

 Studentët ka mbyllur për sot ditën e 6 të protestës së tyre para ministrisë së Arsimit.

Postuar: 10/12/2018 - 17:41

Pedagogu Arlind Qorri i cili është dhe pjesë e organizatës Lëvizja për Universitetin, ditët e fun

Postuar: 10/12/2018 - 17:31

 Pas studentëve, në protesta janë ngritur edhe qytetarë të Shkodrës dhe Kavajës.

Postuar: 10/12/2018 - 17:27

Disa prej banorëve të “Unazës së Re” u ka shkuar njoftimi sot nga IKMT për prishjen e