BREAKING NEWS

70-vjeçari Hidhet nga 40 m lartësi në Gjirokastër (EMRI)

x

Aktualitet

“Çmendet” gruaja në Tiranë, e ndjek 200 metra të riun, e përplas me makinë dhe më pas e godet me shkelm, Saimir Kodra publikon videon e pazakontë

Një aksident i pazakontë ka ndodhur së fundmi në Tiranë.

Një grua ka ndjekur rreth 200 metra një qytetar që po udhëtonte me motor dhe më pas e ka përplasur me makinë atë.

E sikur të mos mjaftonte kjo, gruaja më pas zbret nga makina dhe e godet me shkelm djalin e plagosur me sa forcë kishte.

Pamjet shokuese janë transmetuar mbrëmjen e sotme në emisionin investigativ, "Stop".

Drejtuesi i emisionit, Saimir Kodra tha:

Në redaksi na ka ardhur një video. Pyetëm si ishte historia dhe ishte e habitshme. Në fakt sot do të shikoni vetëm një pjesë, preludin e saj, sepse detajet e zhvillimit nga nesër e pas do t’i shikoni të gjitha.”

Më pas gazetari Kodra tregoi se gruaja e ka ndjekur djalin vetëm me qëllim për ta përplasur, ndërsa motivet që e shtynë këtë të fundit të ndërmarrë këtë akt absurd mbeten të paqarta.

Sipas drejtuesit të emisionit, gruaja endet e lirë, ndërkohë djali i plagosur ka pësuar dëmtime fizike dhe motori i është prishur.

Kodra shtoi më tej:

Momenti që do të shikoni është një makinë që e ka ndjekur për 200 metra prapa një motor, e përplasi sepse e ndoqi pikërisht për ta përplasur… e shtriu në tokë si lopa dhe i del drejtuesja e automjetit, që ishte femër edhe i hy në shkelma në tokë drejtuesit të motorit. Vjen ambulanca, sigurisht djali nuk çohet vetë, e marrin dhe e çojnë në Spitalin e Traumës dhe kurohet për 3-4 ditë. Pse i japim këto pamje? Për të kuptuar ju atë se çfarë do të vazhdojmë ne nesër si emision. Që kjo drejtuese automjeti, me këtë akt me vetëdije, përplasje, shkelm e të gjitha të tjerat, sot është në mes të Tiranës dhe nuk ndenji asnjë ditë në komisariat. I vetmi që është i dëmtuar është djali, me krisje, me thyerje, motori që i është prishur, etj”.