BREAKING NEWS

Obama, Melinda Gates dhe Fauci mbikqyrësit e laboratorit të Wuhanit në 2015 kur Bill Gates paralajmëroi rrezikun nga virusi

Obama, Melinda Gates dhe Fauci mbikqyrësit e laboratorit të Wuhanit
x

Aktualitet

Dalin detajet tronditëse / Kërcënohet me jetë politikani i njohur në mes të Tiranës: Je i pari në listë për tu vrarë

Dalin detajet tronditëse / Kërcënohet me jetë politikani i

Shqipëria po përjeton tensione politike nga veriu në jug, ndërsa zgjedhjet vendore të 30 qershorit po afrohen në kushtet kur presidenti ka deklaruar anulimin e tyre, ndërsa Qeveria kërkon të votohet me çdo kusht më 30 qershor.

Në kulmin e krizës, kreu i Partisë Lëvizja për Drejtësi dhe Etikë, Arian Galdini është kërcënuar me jetë paraditen e sotme, nga dy persona të panjohur.

Galdini shkruan se dy persona kanë ndalur makinën para këmbëve të tij dhe më pas e kanë sharë dhe kërcënuar, ndërsa i kanë thënë se ai bën pjesë në listën e personave që do të ekzekutohen.

Postimi

A mund të kërcënohet një ide?

Miq, sapo kam përjetuar një nga ato situatat psikedelike, kur një makinë më ndal tek këmbët dhe dy “trimosha” trupmëdhenj dolën e më ndalën në rrugë.

Sapo kisha dalë nga shtëpia e prindërve të mij, ku lë çdo mëngjes Martinin.

Mes pallateve ku po ecja në këmbë, diku midis Xhamisë së Xhurajve dhe Oxhakut, më ndal para këmbëve kjo makina fuoristradë Land Rover i bardhë.

Dolën dy “trimoshat” dhe ia nisën të më shanin e kërcënonin.

Ndër të tjera më paralajmëruan se qenkërka bërë një listë ekzekutimesh dhe se emri im qenkërka ndër të parët në këtë listë.

Pasi më treguan edhe se ishin të armatosur, u larguan duke më sharë.

Tani, unë eci çdo ditë në këmbë. Çdo ditë.

Me sandalet e mia të preferuara.

Kurrë nuk e kam ndryshuar rrugëkalimin tim.

Jam çdo ditë në këmbë ose në autobus.

Ua thashë edhe atyre dy trimave e po ua them edhe dërguesve të tyre këtu publikisht.

Nuk kam ndërmend ta ndryshoj intenerarin dhe zakonin tim të përditshëm për asnjë arsye.

Nuk ka kërcënim e listë ekzekutimi që ma ndryshon mua ecjen në këmbë e me sandale.

Shumë shpejt, do të përpiqem tua jap përgjigjen edhe dërguesve por edhe kërcënuesve edhe shqip edhe anglisht.

Unë jam një ide.

Nuk jam i kêrcënueshëm.

Listat tuaja mbajini si pasqyrë të zezonës ku jeni zhytur.

Do vij tju takoj shpejt, në këmbë, me sandale, në zyrat tuaja, shqip dhe anglisht.

Një ide nuk kërcënohet dot.

Një ide nuk trembet dot.

Ideja ecën në këmbë.

Kaq për sot.