Degradon keq konflikti mes dy personave në zonën më të frekuentuar të Tiranës. Një 39-vjeçar qëllohet me qytën e pistoletës. Zbardhen detajet zyrtare

Një konflikt ka ndodhur pasditen e sotme në zonën e ish-bllokut në Tiranë. Sipas policisë, “ngjarja u regjistrua rreth orës 15:15, ku një shtetas ende i paidentifikuar gjatë një konflikti për motive të dobëta, ka goditur dyshohet me qytën e pistoletës shtetasin E. Xh., 39 vjeç.”

Blutë e kryeqytetit bëjnë të ditur se për fat të mirë  personi nuk ka marrë lëndime.

Ndërkohë grupi hetimor ndodhet ne vendngjarje dhe po punon për zbardhjen e plotë të  rrethanave të ngjarjes.

Shërbimet e Policisë po kontrollojnë zonën me qëllim  kapjen e autorit.