BREAKING NEWS

Asnjë marrëveshje për Zgjedhoren, PD akuzon PS por nuk tërhiqet nga asnjë kusht dhe qeveria teknike

Asnjë marrëveshje për Zgjedhoren, PD akuzon PS por nuk
x

Aktualitet

Dënohen me burg 9 zyrtarët e Hipotekës (Emrat)

Dënohen me burg 9 zyrtarët e Hipotekës (Emrat)
Gjykata e Kavajës ka dënuar me 18 vite burg 9 zyrtarë të Hipotekës Kavajë, të akuzuar për tjetërsim pronash në zonën pranë plazhit të Spillesë.
 
Ish-kreu i ZVRPP Kavajë, Seit Cikalleshi u dënua me 2.8 vjet burg, juristi në ZVRPP Andi Gjeçi me 2.4 vite, Asim Arkaxhiu me 2 vjet, Aldo Kila me 1.8 vite, Ilir Kaja me 3 vjet, ish-kryetari i Komisionit të Ndarjes së Tokave Agron Xhelezi, Dritan Kazazi dhe Nezir Leçini me 2 vjet, ndërsa Aida Gjoci, 8 muaj burgim konvertuar në 120 orë punë të detyruar.
 
Gjykata urdhëroi që 5 parcelat e tokës të kalojnë në pronësi të Shtetit, ndërsa pas hetimeve rezultoi se ish-zyrtarët janë përgjegjës për tjetërsimin e pronave.
 
Por, nga një vendim i muajit prill nga gjyqtari Rexhep Bekteshi, i jepet zyrtarëve e drejta për uljen në 1/3 të dënimit për shkak të gjykimit të shkurtuar.