Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Detaje të reja që "fundosin" Shullazin, Prokuroria: Grabiti "Vollgën" dhe kërcënoi për një parkim 1200 metra katrorë

  Detaje të reja që "fundosin" Shullazin, Prokuroria: Grabiti "Vollgën" dhe kërcënoi për një parkim 1200 metra katrorë

Postuar: 17/04/2016 - 18:11

Zbulohen detaje të tjera rreth akuzave të ngritura ndaj 38-vjeçarit Emiliano Shullazi, i arrestuar me urdhër të Prokurorisë së Krimeve të Rënda për të, shokun e ngushtë Gilmando Dani dhe të afërmin Blerim Shullazi.
 
Të 3 ata do të dalin para gjykatës, të dyshuar për veprat kriminale të “pjesëmarrjes në organizatë kriminale”, “gjobëvënies”, dhe “shkatërrimit të pronë me eksploziv”.
 
Një burim jozyrtar i tha Top Channel se, episodi që e ka vendosur në pozitë inkriminuese Emiliano Shullazin ka lidhje me kallëzimin gjatë muajit shkurt, të shtetasit Arjan Zika. Ai ka pohuar në Prokurorinë e Krimeve të Rënda, 3 muaj më parë, se është kërcënuar nga Shullazi për një parking 1.200 metra katrorë në Tiranë.
 
Top Channel disponon dëshminë e këtij shtetasi, i cili pohon se “Emiliano Shullazi më kërkoi takim. Dikush erdhi e më tha se Emiliano po të pret ta takosh. Kohë më parë kam blerë një sipërfaqe parkingu prej 1.200 metrash katrorë, Emiliano më tha ose blije sërish me çmimin e tregut të sotëm, ndryshe do të të vras. E kam takuar 4 herë Shullazin dhe nuk pranova”.
 
Pas kësaj ngjarjeje, sipas burimeve policore, në dyqanin e kallëzuesit, në datën 13 mars ka ndodhur një shpërthim me lëndë plasëse. Burime të Top Channel bëjnë të ditur se, pas kallëzimit, qytetari është larguar nga Shqipëria për shkak të frikës.
 
Episodi tjetër, për të cilin dyshohet Shullazi, ka lidhje me ish-hotel “Vollga”, në Durrës, që dyshohet se përmes kërcënimeve mund t’i jetë dhuruar Shullazit nga një shtetas shqiptar. Janë të paqarta procedurat e ndjekura për kalimin e ish-hotelit nga një shtetas arab te shtetasi shqiptar, e më pas tek i dyshuari Shullazi.
 
Prokuroria pohon se, ndërkohë disponon edhe 4 informacione të përcjella nga policia e Shërbimi Informativ Shtetëror, për gjobëvënie ndaj 4 biznesmenëve të ndërtimit, të cilët mësohet se e kanë paguar gjobën e kërkuar. Por ata nuk kanë pranuar të kryejnë kallëzime.
 
Shullazi është kthyer në një emër të njohur për drejtësinë shqiptare. Disa herë, ai është shoqëruar e ndaluar për armëmbajtje pa leje, ndërkohë që akuza më e rëndë, që i ka dhënë atij fajësi me 7 vite burg, ka lidhje me çështje droge. Emri i tij u përmend së fundmi nga ambasadori amerikan Donald Lu, si një ndër njerëzit që shëtit i lirë, megjithëse ka kryer krime, tha ambasadori.
 
Ndërkohë që u akuzua ditët e fundit edhe nga ish-kryeministri, se kishte kërcënuar kandidatin për rektor të Universitetit të Tiranës, Mynyr Koni, se do t’i merrte peng djalin nëse nuk tërhiqej nga gara. Për këtë episod, policia po kryen ende verifikimet dhe nuk e ka kaluar ende dosjen në prokurori. / Top Channel 
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 26/06/2019 - 14:57

Një shpërthim i fuqishëm ka ndodhur ditën e djeshme pranë një hoteli në Llogara, ku kanë mbetur të plagosur dy persona të cilët ishin duke punuar pranë këtij biznesi.

Postuar: 26/06/2019 - 14:07

Një aksident i rëndë ka ndodhur sot në autorstradën Fushë-Krujë Milot në afërsi të qytetit të Laç

Postuar: 26/06/2019 - 13:48

Policia e Elbasanit ka arrestuar një 25 vjeçare të shpallur në kërkim për falsifikim të letërnjof

Postuar: 26/06/2019 - 12:09

Ditën e sotme Policia e Durrësit ka vënë në pranga Bashkim Haxhinë, një emër ky i njohur mjaft mi

Postuar: 26/06/2019 - 11:45

Kanë mbërritur nën masa të rrepta sigurie materialet zgjedhore në KZAZ-në e Devollit.

Postuar: 26/06/2019 - 11:37

Kontingjenti VI shqiptar nga batalioni i II i këmbësorisë, u nis për në Afganistan për të vijuar

Postuar: 26/06/2019 - 11:25

Goditet një tjetër rast i shpërndarjes së drogave të forta në doza të vogla.