Dita ndërkombëtare e bluzave të bardha, Begaj uron mjekët me mesazhin e veçantë: I qëndrojnë besnik betimit të Hipokratit, duke vënë në rrezik...

30 marsi përkon me ditën ndërkombëtare të bluzave të bardha. Presidenti i vendit, Bajram Begaj në këtë ditë të shënuar për mjekësinë, ka uruar mjekët në të gjithë Shqipërinë me përulësi ndaj punës së tyre të palodhur.

Vlerat e mjekëve dolën në pah gjatë pandemisë covid-19 ku vendosen dhe veten në rrezik për punonjësit.

Begaj nëpërmjet një reagimi në rrjetet sociale iu kujton ‘Hetimin e Hipokratit’, e si të tillë dhe ato u betuan para pacientëve për t’i shëruar duke marr parasysh dhe rreziqet.

Mesazhi i presidentit Begaj:

Në Ditën Ndërkombëtare të Mjekut, uroj të gjithë mjekët e Shqipërisë, për punën e tyre të palodhur, në shërbim të qytetarëve.
Pandemia COVID-19, na risolli në vëmendje madhështinë dhe përulësinë e misionit të mjekut. Për muaj me radhë, mjekët tanë iu dedikuan pacientëve të sëmurë, duke i qëndruar besnikë "Betimit të Hipokratit" e duke mos pyetur për rrezikun që i kanosej atyre vetë apo familjarëve.
Sot, tek sa për fat ditët e vështira të pandemisë duken kujtim i së shkuarës, nuk duhet t’i mbetet së shkuarës shembulli i vetëmohimit të tyre, përkundrazi, duhet të jetë një arsye më shumë, për të respektuar bluzat e bardha për profesionalizmin dhe perkushtimin e tyre.
Respekt dhe mirënjohje ndaj mjekëve tanë, ndaj të gjithë kolegëve dhe miqve të mi të nderuar!