Do agravoi situata në protestën e opozitës? Ambasada e SHBA-së del me thirrjen urgjente ndaj amerikanëve që jetojnë në Shqipëri

Tre ditë para protestës së opozitës, ambasada amerikane ka dalë me një thirrje urgjente për amerikanët që jetojnë në Shqipëri që të shmangin tubimin e së martës që pritet të zhvillohet në Tiranë.

Ambasada thekson se situata në protestë mund të ndryshojë shprejt dhe në mënyrë të paparashikueshme.

“Ambasada është në dijeni se mund të ketë një protestë edhe në qendër të Tiranës. Protestat mund të përhapen në rrugët përreth duke shkaktuar bllokime të trafikut, devijime dhe mbyllje shtesë të rrugëve. Qytetarët amerikanë këshillohen të shmangin tubimet e mëdha. Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit”, njofton ambasada.

Të martën pritet të zhvillohet në Tiranë, samiti i BE-Ballkani Perëndimor. Ndërkohë opozita ka paralajmëruar për një protestë.

Për këtë protestë drejtori i Përgjithshëm i Policisë së Shtetit, Muhamet Rrumbullaku tha sot gjatë një konference për mediat tha se siguria e liderëve perëndimorë është mbi dëshirën për protestë.