Dosja “Plumbi i Artë”/ Gazetarja e njohur zbulon detaje të forta: Dumani vetë nuk rezulton të ketë kryer asnjë vrasje, ja çfarë pritet të ndodhë në ditët në vijim

Gazetarja Etleva Delia ka folur mbrëmjen e sotme në një emision televiziv për dosjen hetimore të operacionit “Plumbi i Artë”, ku ka zbuluar dhe detaje të reja.

Sipas gazetares, të tjera emra dhe arrestime pritet të ndodhin në ditët në vijim. Gazetarja tregoi, se në dëshminë e Dumanit, ai ka treguar të dhëna për 17 vrasje, por që në asnjërën prej tyre pretendon se nuk ka vrarë asnjë.

“Do të ketë arrestime të tjera dhe emra të tjera. Dumani vetë nuk rezulton të ketë kryer asnjë vrasje. Të vetmen vrasje që ai ka thënë se do merrte pjesë ka qenë për vrasjen e vëllait të Talo Çelës. Janë dëshmi që kanë rezultuar të vërteta, por për ngjarje që dyshohet ai duhet të flasin persona të tjerë. Një pjesë e dosjes janë me emra të cunguar dhe s’janë bërë të ditura në gjykatë. Janë emra personash që janë nën hetim. Për politikanë nuk kam informacione”, u shpreh gazetarja.