Dy shpërthime të fuqishme tronditën banorët, dy teoritë që po qarkullojnë mbi misterin e madh në Lezhë

Mbrëmjen e djeshme janë regjistruar dy shpërthime të fuqishme, që kanë tronditur Lezhën dhe Shengjinin. Sipas burimeve nga vendngjarja shpërthimet kanë ndodhur brenda një minuti, njëri pas tjetrit.

Në momentet e para të shpërthimit u dyshua se zhurma mund të kishte ardhur nga shpërthimet e cisternave në Shëngjin, por raportohet se nuk asnjë problem me këto cisterna pasi nuk kanë as karburant.

Sipas banorëve teoria e parë thotë se zhurmën mund ta ketë shkaktuar ndonjë avion që mund të ketë kaluar ulët. Por burime për AbcNews nga forcat ajrore u shprehën se nuk kanë qenë në dijeni të fluturimit mbi hapësirën tonë ajrore të ndonjë avioni të NATO-s, por as tejkalim të shpejtësisë zanore.

Ndërkohë që pista e dytë ka të bëjmë me teorinë se mund të ketë qenë ndonjë shpërthim në ndonjë gurore.