E frikshme/ Magazina përfshihet nga zjarri, rrezikohen tre banesa nga përhapja e flakëve

Një magazinë me bazë ushqimore për bagëti është përfshirë nga flakët mesditën e sotme në fshatin Zheje të Kurbinit.

Sipas informacioneve, mësohet se pranë godinës së magazinës ndodhen edhe tre banesa, të cilat janë të rrezikuara të përfshihen nga flakët nëse ato vazhdojnë të përhapen.

Aktualisht në vendin e ngjarjes ndodhen dy zjarrfikëse të cilat po punojnë për izolimin e flakëve.

Ndërkohë edhe banorët e zonës i kanë ardhur në ndihmë me mjete rrethanore për të bërë të mundur izolimin e vatrës së zjarrit.