“E ka dhënë perëndia, mallkuar qoftë ai person...”, shpërthen Sazan Guri: Është e tmerrshme, ne nuk kemi ujë të pijshëm 24-orë këto duan të furnizojnë Italinë

Ambientalisti Sazan Guri ka dhënë alarmin mbi një marrëveshje të pritshme, që rajoni i Pulias në Itali, të furnizohet me ujë të pijshëm nga Shqipëria, nga zona e Tepelenës apo Ujit të Kaltër.

Corriere Della Sera publikoi informacion mbi projektin, i cili parashikon transportimin e ujit nga Gjirokastra në Pulia, përmes 85 kilometrave tubacione nënujore dhe 120 kilometrave tubacione tokësore.

Italia kërkon ujë nga Shqipëria/ Publikohet plani 1 miliard euro për tubacion nënujor

I ftuar në emisionin “Shqipëria Live”, Guri deklaroi se nëse ky projekt realizohet, do ndikojë negativisht për vendin tonë.

“Mallkuar qoftë ai person që thotë se ujë ikën kot në det, qoftë Kryeministër, ministër, qytetar i thjeshtë. Ujë deri kur shkon në det ka bërë në detyrë rrugë. Ka furnizuar ujërat nëntokësorë. Ka shërbyer si faktor fiziologjik. Uji shërben për një mijë detyra. Nëse ky projekt për italianët shërben për mirë, për ne është varfërim. Është shumë e tmerrshme të tallesh me ujin. E ka dhënë perëndia, është i bekuar.

Edhe Pulia ka ujë, por e ka të kripur seps ka avancuar nga deti. Ujë të ëmbël ka në Milano. Pse duhet që shqiptarët t’ia japin Italisë ujin, kur ne nuk kemi 24 orë ujë të pijshëm.

Të premte do mblidhemi ne ekspertë, juristë etj. Ambientalistë nuk ka më.”- tha Guri.