E pazakontë në Shkodër! Futeshin në oborr me një kamionçinë për gati një javë, të afërmit e pronarit që jetonte në Itali tronditen nga ajo që zbulojnë kur hyjnë brenda në shtëpi

Një ngjarje e pazakontë ka ndodhur në njësinë Dajç të bashkisë Shkodër, ku autorët janë maskuar si punonjës dhe kanë boshatisur shtëpinë e emigrantit. Shtëpia dykatëshe e emigrantit është grabitur në mënyrë spektakolare. Gjithçka u zbulua nga të afërmit e pronarit të banesës B.K, i cili prej vitesh jeton në Itali bashkë me familjen e tij. Sipas të afërmve, autorët ishin maskuar si punonjës dhe janë futur brenda oborrit me një kamioncinë, ndërsa për gati një javë kanë shkuar çdo ditë duke vjedhur çdo gjë që ishte brenda.

"Dëmi i shkaktuar kap vlerën e 50 mijë eurove. Shtëpia ishte arreduar me mobilje moderne", thanë ata.

Pas njoftimit nga të afërmit, policia ka shkuar në vendin e ngjarjes dhe ka nisur hetimet për zbardhjen e plotë të rrethanave të ngjarjes.