E shkuara e errët e shqiptarit që u kap me 2 kallashnikovë në Greqi/ Dyshohet se po planifikonte një atentat, ja për çfarë akuzohej më parë

Të tjera detaje në lidhje me arrestimin e dy shqiptarëve në Greqi, të cilët thuhet se ishin duke përgatitur një atentat, ndërsa ata u kapën me 2 kallashnikovë.

Mësohet se ndaj njërit prej tyre, një 37-vjeçar, është ngritur akuza për vrasje dhe tentativë vrasje. Hetimet me te fundit të policisë greke kanë zbuluar se një nga të arrestuarit e sotëm është autor i një vrasje të ndodhur në 31 korrik në Agia Varvara ku u vra një 39-vjeçar dhe i një tentative vrasje ndodhur më 15 korrik në Athinë në zonën e Agio Pavlos ndaj një 36-vjeçari shqiptar.

Policia greke bën me dije se vrasja e 39-vjecarit ka ndodhur për larje hesapesh për trafikun e drogës, pasi dhe viktima ishte me precedentë penale. Ndërkohë, vazhdojnë hetimet për dy shqiptarët e kapur sot, armët e tyre dhe biletat që lidhin lëvizjet e tyre me qytetin e Igumenicës në kufi me Shqipërinë. Po ashtu mësohet se shqiptari tjetër i arrestuar, është një 22-vjeçar.