BREAKING NEWS

“Një krim shtetëror”/ Artan Hoxha plas ‘bombën’, zbulon emrat e vrasësve të Remzi Hoxhës, mes tyre edhe figura të rëndësishme politike (FOTO)

“Një krim shtetëror”/ Artan Hoxha plas
x

Aktualitet

Eksperti i njohur Erion Dasho ia përplas të vërtetat në sy ministrisë dhe pasqyron faktet e forta për situatën e Covid-19: Ku janë paratë?!

Eksperti i njohur Erion Dasho ia përplas të vërtetat në sy

Eksperti i Shëndetit Publik, Erion Dasho, me anë të një statusi në rrjetin social ka ngritur shqetësimin dhe ka hedhur akuza ndaj ministrisë pasi sipas mjekut çdo nismë ka mbetur vetëm në letër e shkruar dhe e pazbatuar.

"Të nxjerrësh vendime dhe udhëzime është e lehtë! Të bësh video propagandistike po ashtu është e lehtë! Kur këto "masa" mbeten thjesht në kufijtë e propagandës, rrezikojmë një situatë të dytë si ajo ku qytetari paguan vetë për testin, pacienti paguan vetë për trajtimin në shtëpi, familjari paguan për respiratorin cpap në spital, kurse Komiteti mburret se mjekimi për COVID po jep rezultate të kënaqshme...", shkruan ndër të tjera eksperti i njohur Dasho.

Postimi i plotë:

Ku janë paratë?! Ditën e hënë fillon shkolla. Teorikisht, mësuesit dhe nxënësit do të ruajnë distancën 2 m, do të mbajnë maskë gjatë gjithë kohës, sanitarët do të dizinfektojnë klasat disa herë në ditë, korridoret dhe tualetet çdo dy orë, etj., etj.

Perfekt në letër!!! Problemi është që për mijëra shkolla që ka Shqipëria, kjo përkthehet në disa miliona euro çdo muaj: detergjentë, maska (çdo mësues ka nevojë për të paktën 2 maska në ditë), sanitarë shtesë për çdo shkollë, etj. në rast nevoje, mësimi duhet të zhvillohet online.

Ka familje që nuk kanë mundësi të paguajnë pajisje smart dhe lidhje me internet. Miliona të tjera nevojiten...

Të nxjerrësh vendime dhe udhëzime është e lehtë! Të bësh video propagandistike po ashtu është e lehtë! Kur këto "masa" mbeten thjesht në kufijtë e propagandës, rrezikojmë një situatë të dytë si ajo ku qytetari paguan vetë për testin, pacienti paguan vetë për trajtimin në shtëpi, familjari paguan për respiratorin cpap në spital, kurse Komiteti mburret se mjekimi për COVID po jep rezultate të kënaqshme...

Planifikimi, organizimi, financimi dhe zbatimi i masave anti-COVID është thelbi i çështjes!

Jo në 14 shtator, por çdo ditë të vitit shkollor!

Jo vetëm në kushtet e verës, por edhe në shi, borë, ngricë, etj! Përndryshe, shkollat janë duke u hapur në mënyrë të pasigurt, duke rinisur një tjetër aventurë të rrezikshme për shëndetin e shqiptarëve!

Më të lexuarat