BREAKING NEWS

Gazetari plas akuzën “bombë” për Spartak Ngjelën ‘live’ në studio, Klodiana Lala i kthehet ashpër avokatit: Tërhiq fyerjen, do hetohesh për dosjen e bujshme

x

Aktualitet

Fier/ Presion qytetarëve për t’u marrë para, arrestohen 2 policë dhe një avokat

Dy nënkomisarë dhe një avokat janë arrestuar pasditen e djeshme në Fier pasi akuzohen se nëpërmjet skemës së mashtrimit, realizonin presione dhe inskenime ndaj qytetarëve kundrejt përfitimit të shumave financiare. Policët dhe avokati pasi marrjes së kallëzimeve të ndryshme i bënin presion personave të kallëzuar se nëse nuk paguanin shuma parash do të arrestoheshin dhe do të përfundonin pas hekurave, edhe pse kallëzimet që bëheshin nuk përmbanin elementë të veprës penale. Shërbimi i Çështjeve të Brendshme dhe Ankesave në bashkëpunim me Prokurorinë e Fierit bënë të mundur arrestimin e 29-vjeçarin Klaudio Xhymerti, me profesion avokat, dhe 2 nën/komisarët Marjon Hasanbashaj, 32 vjeç dhe Erion Muhaj, 34 vjeç, të dy specialistë krimesh pranë Komisariatit të Policisë Fier. Arrestimi i personave të lartpërmendur u bë pas një pune hetimore disa mujore të SHÇBA-së në bashkëpunim me prokurorinë. Pas hetimeve disa mujore proaktive u vërtetua se personat e lartpërmendur nëpërmjet mashtrimit i merrnin shuma të ndryshme parash personat ndaj të cilëve u bëhej kallëzim penal. Policët dhe avokati u arrestuan pasi gjykata e fierit pas provave që prokuroria paraqiti në gjykatë, pranoi kërkesën e organit të akuzës dhe caktoi ndaj tyre masën e sigurisë “Arrest me burg në mungesë. Tre të arrestuarit pritet që nesër të dalin përpara gjykatës për tu njohur me masën e sigurisë. Ata do të përballen me akuzat “Ushtrim të ndikimit të paligjshëm ndaj personave që ushtrojnë funksione publike”, “Korrupsion pasiv të personave që ushtrojnë funksione publike” dhe “Shpërdorim detyre, në bashkëpunim”. Autoritetet u bëjnë thirrje qytetarëve, të cilët janë bërë pre e kësaj skeme mashtrimi, të depozitojnë kallëzimet e tyre pranë dy institucioneve SHÇBA dhe Prokurori.

Operacioni “Mashtruesit”

Shërbimi për Çështjet e Brendshme dhe Ankesat (SHÇBA) në bashkëpunim me Prokurorinë pranë Gjykatës së Shkallës së Parë Fier, pas disa muaj hetimesh pro-aktive, finalizuan operacionin “Mashtruesit”, duke bërë të mundur ekzekutimet e vendimeve të arrestit për shtetasit Klaudjo Xhymerti, 29 vjeç, me profesion Avokat, nga Fieri; nën/komisarin me Marjo Hasanbashaj, 32 vjeç, me detyrë Specialist i Krimeve pranë Komisariatit të Policisë Fier si dhe nën/komisar me inicialet Erjon Muhaj, 34 vjeç, me detyrë Specialist i Krimeve, pranë Komisariatit të Policisë Fier. Arrestimi i këtyre personave u bë pasi punonjësit e policisë duke qenë në detyrën e specialistit të Krimeve dhe të OPGJ-së në Komisariatin e Policisë Fier, në bashkëpunim edhe me shtetasin me inicialet K. Xh., avokat pranë Dhomës së Avokatisë Fier, nëpërmjet skemës së mashtrimit, dyshohet se realizonin presione dhe inskenime ndaj qytetarëve të ndryshëm kundrejt përfitimit të shumave financiare për arrestime/ndalime ndaj tyre, për shkak të kallëzimeve penale që bëheshin, por që nuk përmbanin elementë të veprës penale. Në këto kushte, arrestimi u bë për veprat penale “Ushtrim të ndikimit të paligjshëm ndaj personave që ushtrojnë funksione publike”, “Korrupsion pasiv të personave që ushtrojnë funksione publike” dhe “Shpërdorim detyre, në bashkëpunim”. Shërbimi për Çështjet e Brendshme dhe Ankesat si dhe Prokuroria pranë Gjykatës së Shkallës së Parë Fier, u bën thirrje qytetarëve, të cilët janë bërë pre e kësaj skeme mashtrimi nga këta shtetas, që të depozitojnë kallëzimet e tyre pranë dy institucioneve SHÇBA dhe Prokurori. Hetimet lidhur me këtë rast vazhdojnë deri në zbardhjen e të gjithë ngjarjes.

Elvis Myrta