Goditën mjeken dhe dëmtuan dyert e spitalit, arrestohen 2 persona nga efektivët policisë së Komisariatit nr. 4 në Tiranë  

Efektivët e policisë së Komisariatit nr 4 të Tiranës ka vënë dje në pranga dy persona, ndërsa ka proceduar në gjendje të lirë tre të tjerë, pasi në një spital shtetërorë kanë goditur me grushte një mjeke, si dhe kanë dëmtuar dyert e ambientit. Dy të arrestuarit kanë goditur mjeken me pretendimin, për neglizhencë mjekësore ndaj një të afërmi të tyre, që mjekohej në këtë spital. Gjithashtu dy të arrestuarit, nuk iu janë bindur urdhrave të punonjësve të Policisë që shkuan në vendin e ngjarjes, menjëherë pas marrjes së njoftimit për këtë rast. Ndërkohë tani ata akuzohen për veprat penale “Goditje për shkak detyrës”, “Mosbindja ndaj urdhrit të punonjësit të Policisë së rendit publik” dhe “Shkatërrimi i pronës”, të kryera në bashkëpunim. “Specialistët për Hetimin e Krimeve të Komisariatit të Policisë Nr. 4, pas marrjes së njoftimit se disa shtetas kishin goditur për shkak të detyrës një mjeke dhe kishin dëmtuar ambientet e spitalit ku ajo punonte, kanë organizuar menjëherë punën për identifikimin dhe kapjen e autorëve. Si rezultat i veprimeve të shpejta nga shërbimet e Policisë, u arrestuan në flagrancë shtetasit I. S., 41 vjeç dhe B. B., 54 vjeç, të dy banues në Tiranë. Gjithashtu, u referuan materialet në Prokurori dhe nisi procedimi penal në gjendje të lirë për shtetasit: K. S., 50 vjeç (me precedent të mëparshëm penal), E. Xh., 47 vjeç dhe A. M., 55 vjeç. Këta shtetas, rreth orës 02:00 të ditës së sotme, në ambientet e një spitali shtetëror, kanë goditur me grushte, për shkak të detyrës, një mjeke të këtij spitali, me pretendimin për neglizhencë mjekësore ndaj një të afërmi të tyre, që mjekohej në këtë spital, si dhe kanë dëmtuar dyert dhe dritaret e këtij institucioni”, njoftoi dje policia.