Humbi të gjithë pjesëtarët e familjes në rrënojat e tërmetit të 26 Nëntorit, mësohet ku ndodhet 18-vjeçari i mbijetuar. Flet i afërmi: Është i ngarkuar psikologjikisht!

Tërmeti i 26 Nëntorit shkaktoi një dramë të madhe në familjen Lala, ku pati 7 të vdekur dhe vetëm një të mbijetuar. I mbijetuari është një 18-vjeçar, i cili humbi të gjithë anëtarët e familjes së tij. Në një prononcim për media, të afërmit e familjes me lot në sy kryen sot homazhe në përkujtim të viktimave. Ata u shprehën se nuk munden ta harrojnë hidhërimin e ngjarjes si dhe pohuan se 18-vjeçai i vetëm i mbijetuar ndodhet në Itali në gjendje të mirë fizike, por shumë i ngarkuar psikologjikisht.

“Nuk ka fjalë, hidhërimi është shumë i madh. Janë vëllezërit e mi. Unë ndodhesha në Itali. E përjetova si mos më keq, ka qenë një vit shumë i trishtë. Mundohemi ta harrojmë por nuk mundemi. Na ka ndihmuar qeveria, jemi në Tiranë tani, nuk kthehemi më në Durrës.

Nga ana shëndetëore 18-vjeçari i mbijetuar është shumë mirë por nga ana psikologjike ka trauma. Ai ndodhet në Itali dhe mundohemi mos t’ia kujtojmë këtë ngjarje”, thanë të afërmit e familjes Lala.