“I besoja atij për çdo gjë”, nëna e 13-vjeçares së përdhunuar nga Elidon Xhaferri rrëfen një tjetër detaj, tregon si shpifi për vëllain e saj dhe e futi në burg

Elentina Xhaferri, nëna e 13-vjeçares së përdhunuar nga njerku në Ksamil, ka dhënë detaje të tjera në lidhje me bashkëshortin e saj, Elidon Xhaferri.

Për emisionin “Shqipëria Live”, Tina tha se kishte kërkuar disa herë që të shkëputej prej tij pas dhunës fizike, por në fund kishte pranuar gjithmonë  që ta falte.

Madje ajo ka futur në burg vëllain e saj për Elidonin, duke dëshmuar kundër tij. Situata e nënës së 13-vjeçares është mjaft e ndërlikuar, pasi la burrin e parë vetëm për Elidonin.

Ajo është kthyer te prindërit e saj pas 9-vitesh, pasi më para nuk e linte Elidoni që të shkonte tek ata.

“Ka patur probleme me disa banorë të Ksamilit dhe ai u arrestua  për 3 muaj. Vëllezërit e tij më kërcënuan. E unë kam shpifur për vëllain tim, duke thënë se ai e ka bërë. I besoja atij për çdo gjë. Vëllai im ka bërë 2 vite burg.

Në gusht bëri një debat më një djalë në Ksamil, dhe e goditi. Erdhi në shtëpi dhe mori një gjë dhe bëri sikur edhe ai djali e kishte plagosur”, tha ajo.