I pandehur deputeti i Partisë Demokratike, Ervin Salianji/ Zbardhet çfarë ndodhi ditën e sotme në seancë

Shtyhet seanca e cila ishte planifikuar për t’u zhvilluar këtë të mëkurë në lidhje me dosjen ‘Babale’, ku i pandehur është deputeti i Partisë Demokratike, Ervin Salianji.

Mbrojtësi i një tjetër të pandehuri, gazetarit Jetmir Olldashi ka kërkuar shtyrjen e seancës, pasi ka dorëzuar një raport për paaftësi të përkohshme në punë.

Pritet që gjykata të caktojë një datë tjetër për zhvillimin e seancës. Çështja ‘Babale’ ishte një ndër temat më të nxehta të debatit politik në vitet 2017-2019 gjatë kohës kur Fatmir Xhafaj ishte ministër i Brendshëm.

Xhafaj u akuzua nga Salianji dhe Partia Demokratike se favorizoi vëllanë e tij Agron Xhafaj, të dënuar në Itali me 7 vjet e 4 muaj burg.

Pas daljes së përgjimeve, Agron Xhafaj u dorëzua tek autoritetet italiane duke shlyer dënimin e tij dhe tashmë është rikthyer në Shqipëri i lirë.

Deputeti Salianji u shpall fajtor për veprën penale kallëzim i rremë në lidhje me çështjen “Babale” dhe gjykata kërkoi 1 vit burg për të.