Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“I pari la shtatëzënë shoqen time, tjetrin e njoha kur ishte në burg”, nëna e tre fëmijëve rrëfen dramën e jetës së saj me 3 ish-partnerët (HISTORI SI NË FILMA)

Postuar: 11/09/2019 - 13:54

Historia e pazakontë e një 31-vjeçareje, nënë e 3 fëmijëve, të ardhur në jetë nga 3 bashkëjetesa të ndryshme, është bërë sot pjesë e emisionit ‘Me zemër të hapur’’. Telashet për Inën nga Korça nuk kanë të sosur, ndërsa rrëfeu kalvarin e vuajtjeve, ku e vetme rrit tre fëmijët.

Nga studio e emisionit, 31-vjeçarja tregoi se bashkëshortin e parë e kishte njohur në moshë fare të re. “Familja ime përbëhet nga 2 prindërit punëtor dhe një vëlla që me ka falur shumë. Prindërit dhe vëllai me kanë ndihmuar shumë dhe pa ata nuk do ja kisha dalë dot kurrë. Kam qenë e lidhur me prindërit deri 18 vjeçe ndërsa me vëllain kemi qenë si shok. Por pas ndarjes nga burri i parë gjërat ndryshuan. 17 vjeçe u fejova, ndërsa 20 vjeçe u bëra nënë. Deri sa djali shkoi 4 vjeç ai nuk punonte. Djalin e takon vetëm 1 ose 2 herë në vit (djali nuk do që ta takojë babain e tij). Djalin e kam të sëmurë nga sytë. I kërkova lekë babait të tij (ish-burrit) se me duheshin për problemet me syrin që ka djali dhe ai nisi të tallej dhe unë i bëra bllok. Burrin e parë e njoha në shkollë. Pas dy vitesh në jetë erdhi djali. Me të u ndava pasi zbulova që ai kishte një tjetër, shoqen time të ngushtë. Më pas mora vesh që e kish lënë edhe atë shtatëzënë”-, rrëfen gruaja.

Pas zhgënjimit të parë Ina tha se u njoh me dikë tjetër, por në kushte jo të zakonshme, pasi ai ishte në burg.

“Njoha nga një mikesha ime dikë tjetër, i cili kishte qenë një herë i martuar. Kam qenë me celebrim, e kam njohur kur ka qenë burg. Me të linda një djalë i cili sot është 6 vjeç e gjysëm. Divorcin e bëra kur ai ishte në burg, pasi mora vesh që ai fliste me një komshien time dhe një tjetër problem ishte vjehrra, e cila ishte shumë diskriminuese përsa i përket fesë time. Sot ai ka dalë nga burgu është martuar me dikë tjetër dhe nuk bën fare për djalin”, shprehet 31-vjeçaria.

 Pas dy zhgënjimesh Ina rrëfen se rinisi jetën e saj në Tiranë. Aty ajo filloi të punojë në një biznes, që tregtonte ushqime të çastit ku ishte ortake me dikë tjetër. Fati desh të njihej me dikë i cili ishte klient.

Ina rrëfen se u dashurua me të, por problem ishte familja e djalit, e cila nuk donte që ai të merrte për grua një nënë me dy fëmijë. “U njoha me dikë tjetër kur erdha në Tiranë. Punoja këtu. Familja e tij nuk donte sepse isha me dy fëmijë, ndërkohë që isha shtatëzënë, ai më la për dikë tjetër. Më braktisi dhe nuk e njohu as fëmijën. Gjatë shtatzënisë se tretë (me bashkëjetuesin e tretë) familja me braktisi. Deri 6 muajshe doja ta hiqja atë fëmijë sepse nuk doja një të tretë. Askush nuk më strehonte, fëmijët mi mbante nëna por nuk me fliste. Jua mbajta të fshehur shtatzëninë e tretë dhe familja e mësoi vetëm kur isha gati të lindja. Një pastore më strehoi. Kam punuar kudo. Kam punuar si pastruese vetëm që fëmijët e mi të jetojnë. Partneri i tretë më detyroi ta lindja atë fëmijë se me thoshte se nëse nuk e lindja, atëherë nuk ishte i tij. Por vajza me dhemb me shumë në shpirt, pasi ka mbetur pa atësi. Nuk dua të shkojë në shkollë dhe të mbetet pa atësi e bija e kujt është. Me burrin e tretë nuk ndihesha mirë, pranoja gjithçka se nuk kisha ku të shkoja. Kur isha 6 muajshe më kërkoi që fëmijën ta hiqja. Por nuk e hoqa. Më pas ai më thoshte ‘hiqe fëmijën se unë nuk e dua me’. Më pas më tha; ‘Mbaje fëmijen se do vij’, në fakt nuk erdhi me kurrë”, tha gruaja me lotë në sy.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/11/2019 - 18:29

Kolegji i Posaçëm i Apelimit ka lënë në fuqi vendimin e KPK për të përjashtuar nga detyra gjyqtarin e Administratives Shkodër, Ahmet Jangulli.

Postuar: 18/11/2019 - 18:21

Burime nga Policia Rrugore e Tiranës bëjnë me dije se janë proceduar penalisht 42 drejtues m

Postuar: 18/11/2019 - 18:03

Një këmbësor 60 vjeçar ka humbur jetën mbrëmjen e sotme pasi është përplasur nga një makinë në&nb

Postuar: 18/11/2019 - 17:48

Analisti Afrim Krasniqi  e ka quajtur përplasjen mes Presidencës dhe Mazhorancës  një k

Postuar: 18/11/2019 - 17:32

Prokuroria për Krimet e Rënda ka zgjatur me tre muaj afatin e hetimit për grabitjen e 9 prillit 2

Postuar: 18/11/2019 - 17:13

Një grup shqiptarësh në Itali kanë përdorur një teknikë mashtrimi për të fshehur në kavanoza qelq