BREAKING NEWS

Ulet numri i të infektuarve në vend, Ministria tregon sa persona kanë dalë pozitiv me Covid-19 në 24 orët e fundit (BILANCI)

Ulet numri i të infektuarve në vend, Ministria tregon sa persona
x

Aktualitet

“Infeksioni do të vijojë”, mjeku Sulçebe tregon se sa muaj i duhet Shqipërisë që të arrijë imunizimin e popullsisë nga COVID-19 dhe kur dobësohet më shumë sistemi imunitar

“Infeksioni do të vijojë”, mjeku Sulçebe tregon se

Mjeku imunolog Genc Sulçebe  shprehet se Shqipëria ende nuk e ka arritur imunizimin ndaj COVID-19. Sipas tij, kufiri mbrojtës është 60% e popullsisë së imunizuar ndërsa në vend deri tani kemi rreth 20% qytetarë të imunizuar ndaj COVID.

"Në korrik ishte përqindja e antitrupave në 6.4%, sot ajo mund të jetë rritur. Ende nuk kemi matur gjendjen aktuale të përqindjes së antitrupave në popullatë, por pa dyshim ka evoluar që mund të shkuar në 20%. Por kjo do të vijojë të rritet me rritjen e shtimit të infeksionit. Do duhet mbi 6 muaj që të arrijmë kufirin mbrojtës të 60% të popullatës për tu imunizuar", u shpreh Sulçebe për Report TV.

Mjeku Sulçebe shprehet se përhapja e infeksionit do të vazhdojë, ndërsa rekomandon një izolim të diferencuar të popullatës.

"Infeksioni po vazhdon, nëse nuk vijon me vaksinën, gjë që duket larg, infeksioni do të vijojë. Duhet të kemi një izolim të diferencuar të popullatës, pra personat me rrezik të lartë të popullatës duhet të kufizojnë lëvizjet dhe të tjerët duhet të marrin masa mbrojtëse. Personat mbi 60 vjeç janë shumë të rrezikuar, atë me sëmundje kronike, të metabolizmit, diabeti, kardiake pasi infeksioni ka shumë problematika tek kjo popullatë. Nën 50 vjeç duhet të ruhen me maska, me distancim për veten, por edhe për rrezikun e përhapjes së infeksionit tek të tjerët", tha mjeku.

Rihapja e shkollave na ka përballur me një situatë të panjohur për riskun e përhapjes së infeksioni, ndërsa doktori shpjegon se fëmijët nuk përjashtohen nga mundësia për mos u prekur.

"Edhe fëmijët nuk përjashtohen në mënyre absolute nga prekja e covid. Ata që janë obezë janë problematike, ata me sëmundje kronike si ato të lindura në gjak apo turmorale duhet të ruhen në mënyrë të veçantë. Duhet të mbahen të izoluar nga shkollat dhe për ata duhet të bëhet mësim online", tha Sulçebe

Sistemi imunitar ka aftësi ta mposhtë covid thotë mjeku, ndërsa problemet shfaqen vetëm kur ka sëmundje të tjera bashkëshoqëruese.

"Mbajtja e maskave dhe distancimi fizik janë të vetmet armë për tu mbrojtur nga covid. Kemi një përhapje të vazhdueshme dhe Shqipëria është në zonën e kuqe të përhapjes së covid. Është një sëmundje akute, infektive por është vetëshëruese, sistemi imunitar ka aftësi ta mposhtë, vetëm kur sistemi imunitar është me sëmundje mund të ketë komplikacione kur prekemi me covid. Sistemi imunitar dobësohet në këtë rast nga frika, ankthi dhe stresi. Kjo e dobëson pacientin, dhe ne duhet të kuptojmë se është një infeksion vetëshërues", u shpreh mjeku.

Më të lexuarat