Ish-deputeti rrëfen historinë e rrallë për Enver Hoxhën: I solla 75 karafila nga Parisi, kur u largova në Vienë kam qarë edhe thashë o Zot iu bëfshin ferr

Ish-deputeti i NISMA-s në Parlamentin e Kosovës, Milaim Zeka ka treguar një histori të pathënë më parë kur ai ka qenë student.
Zeka ka treguar se në vitin 1983 i ka sjellë Enver Hoxhës 75 karafila na Parisi, por më pas është penduar duke uruar që ato karafila t’i bëheshin ferr.

Kjo ka ndodhur pasi ish-deputeti ka parë gjendjen e tmerrshme që e kishte mbuluar gjithë Shqipërinë nga regjimi komunist, i udhëhequr nga diktatori.

“Unë kam qenë ai studenti kosovar që në vitin 1983, i kam sjellë nga Parisi 75 karanfila Enver Hoxhës. Kur kam ardhur në Shqipëri, kam parë se çfarë tmerri ka qenë Shqipëria, ku e ka katandisur regjimi këtë popull të shkretë.

I kishte mohuar dy gjëra popullit, besimin në Zot dhe pronën private. Kur jam larguar, nga Tirana deri në Vienë kam qenë duke qarë edhe thashë o Zot ato 75 karafila ferr iu bëfshin”, shprehet Milaim Zeka në emisionin  “Mos i fol shoferit”.