Ish-konkurrenti i emisionit të dashurisë tallet me policinë në Tik-Tok: Alo, më kanë dalë prit këtu te Komuna

Ish-konkurrenti i programit të dashurisë në Kosovë “It’s my love”, Dardi, është tallur me policinë duke telefonuar në numrin 192.

Gjatë një “live”në Tik-Tok, ai shihet teksa thërret Policinë dhe mashtron duke thënë se dikush i ka bërë një pritë në rrugë.

“Mirëmbrëma. Më fal këtu te komuna Valmiri bosi do probleme. Thashë t’ju njoftoj juve. Unë jam Dardi Kurti. Më kanë dalë përpara, në pritë”, dëgjohet të thotë ai teksa komunikon me Policinë e Klinës.

Sipas mediave kosovare ai është arrestuar nga policia dhe është dërguar në komisariat pasi akuzohet për kallëzim të rremë.

 “Policia e Kosovës, si rezultat i angazhimeve dhe hetimeve intensive ka arritur ta identifikojë dhe njëherit ta arrestoi personin e dyshuar (D.M.), i cili ka bërë deklarim të rremë duke kontaktuar Policinë e Kosovës në numër emergjent për kinse nevojë për ndihmë policore dhe pastaj të njëjtat incizime i ka publikuar në Tik Tok, të titulluar (Dardi thirr policin).”, thuhet në njoftimin e policisë.