"Ishte njeriu i afërt i Vis Martinajt"/ Artan Hoxha zbardh detajet e forta nga atentati i Ylli Brahimit: Atentatorët bllokuan valët e kamerave

Artan Hoxha ka dhënë detaje nga Atentati që iu bë Ylli Brahimit, person i afërt me Ervis Martinajn. 

I ftuar në emisionin "Të Paekspozuarit", Hoxha deklaroi se kamerat e banesës së Brahimit u bllokuan nga atentatorët, ndaj ky i fundit nuk kishte asnjë paralajmërim për çfarë do ti ndodhte. 

"Është një material në Milot. Ka ndodhur në 22 korrik. I është bërë atentat një njeriu të afërt të Ervis Martinajt. Personi që iu bë atentat, Ylli Ibrahimi, kishte vendosur një seri kamerash, na pallatin ku jetonte vetë dhe rreth e rrotull zonës ku jetonte.

Në rastin konkret, atentatorët duke e ditur se kishte kamera dhe ruhej, atëherë cafrë bërë? Përdorën një bllokues të kamerave. Ai nuk e pa që kamerat ishin bllokuar. Duke mos parë kamerat në cellular, nuk e perceptoi dot që i kishin bërë pritë.

Në atentat u plagos rëndë.

Edhe personat në botën e krimit përdornin kamera, por edhe kundërshtarët e tyre përdornin teknologji shumë të sofistikuar për të bllokuar kamerat.

Policia bën mirë që i heq kamerat, por është veprim i vonuar. Gjithashtu policia duhet të gjejë se kush i vendos kamerat", deklaroi Hoxha.