Italia fillon përmirësimin, bien rastet me covid, ndërkohë Britania shikon të afërt  mbylljen e pandemisë

Në Itali zbritja e kurbës epidemiologjike vazhdon, edhe pse dita e nesërme do të jetë më e rëndësishme dhe mbi të gjitha e besueshme, kur tamponët e analizuar nuk do të përgjysmohen më siç ndodh çdo të hënë për shkak të fundjavës. Buletini i sotëm , e hënë 17 janar, i publikuar nga Ministria e Shëndetësisë, jep 83,403 të infektuar, 76,679 të shëruar dhe 287 vdekje krahasuar me 541,298 testime, me normën pozitive që u zbulua në 15,4% (-0,7 krahasuar me dje).

Pavarësisht se piku i rasteve me Covid duket se është pas, është herët për të festuar sipas mediave italiane, duke qenë se presioni në sistemin kombëtar shëndetësor është ende i lartë: sot bilanci i të shtruarve në pavijonet e Covid është +509 (19,228 shtretër të zënë aktualisht), ndërsa ai i të shtruarve në terapi intensive është +26 (1717) krahasuar me 122 hyrje të reja. Për më tepër, problemi i shumë pozitiveve mbetet gjithmonë në këmbë: aktualisht janë 2,555,278, dhe këto janë vetëm ato zyrtare.

Megjithatë, treguesit që vijnë nga Mbretëria e Bashkuar, ku vala e katërt nisi më herët, paralajmërojnë se sot infeksionet kanë rënë më tej në 70 mijë, minimumi prej mbi një muaji, si dhe vdekjet kanë rënë në 88. Është sinjali se vala për shkak të variantit Omicron është gati për t'u kapërcyer: në javët në vijim kjo duhet të ndodhë edhe në Itali, falë shkallës së lartë të të vaksinuarve dhe fushatës për doza të treta që vazhdon të shtyjë.