Iu arrestua i ati si pjesë e një grupi trafikantësh dhe DASH e futi në listën e zezë/ Zyrtare! Zbardhet dokumenti i lirimit nga detyra i zv.ministres Lorena Haxhiu

Lorena Haxhiu, zv/ministrja e Arsimit ka dhënë dorëheqjen menjëherë nga detyra që mbante.

Babai i saj, Eduart Haxhiu, u arrestua si pjesë e një grupi të strukturuar kriminal që dërgonte emigrantë në SHBA, Kanada dhe Britaninë e Madhe.

Zv/ministrja e Arsimit mësohet se ia ka paraqitur dorëheqjen Kryeministrit Rama menjëherë sapo ka mësuar për arrestimin.

Bëhet me dije se kryeministri Edi Rama ka firmosur lirimin nga detyra të zv.ministres së Arsimit, Lorena Haxhiu pasi babai i saj u arrestua nga Policia e Shtetit dhe partnerët amerikanë.

Lirimi i saj nga detyra është bërë më datë 20 majt të këtij viti dhe është botuar në fletoren zyrtare, dy ditë më pas.