Iu bë atentat në qendër të Milotit ku iu zbrazën 25 plumba/ Zbardhen detaje të forta për të plagosurin, krahu i djathtë i ‘bosit të kazinove’ një emër i njohur i botës së krimit (DETAJE)

Një ngjarje e rëndë u shënua ditën e djeshme në Milot, ku iu bë atentat  Ylli Ibrahimit, i cili mbeti i plagosur. Dyshohet se atentati i djeshëm të jetë në vazhdën e dy ngjarjeve të tjera të rënda, ajo e vrasjes së Santiago Malkos dhe Bujar Likës të vrarë në 30 maj 2020.

Bëhet me dije se i plagosuri Ylli Brahimi është krahu i djathtë i Ervis Martinajt. Ibrahimi u qëllua me disa plumba në këmbë dhe pritet të merret në pyetje nga prokuroria. Në lidhje me ngjarjen janë shoqëruar disa persona në polici.

Kujtojmë që ditën e djeshme dy persona të maskur në motor, kanë qëlluar me breshëri plumbash drejt 45-vjeçarit, i cili ishte anës rrugës me miqtë e tij.