“Ka këmbëngulur me një grup personash dhe oficerë policie”, Artan Hoxha zbulon arsyen pse ish-ministri Lleshaj kërkoi rihapjen e dosjes së 21 Janarit

Gazetari Artan Hoxha ka dhënë detaje për rihapjen e hetimeve për ngjarjen e 21 Janarit. Hoxha tha për Fax Neës, se ish ministri i Brendshëm, Sandër Lleshaj ka këmbëngulur që të rihapë çështjen pasi një prej viktimave, Aleks Nika, është me origjinë nga Lezha.

Hoxha theksoi se ish ministri ka bashkëpunuar me familjarët e tij dhe disa oficerë policie duke e gjetur mënyrën për të rihapur hetimet.

“Ky është një vendim i vonuar se dy prokurorët e kanë pezulluar që në 28 shkurt të vitit 2020, pra për gati 10 muaj ka ngelur çështja e arshivuar. Nuk kishte nevojë të mbërrinte 21 janari për ta rihapur. Ka pasur një tentativë për ta rihapur çështjen meqë një nga viktimat është nga Lezha dhe çështja është ndjekur nga ish ministri Sandër Lleshaj. Ai ka këmbëngulur me një grup personash, oficerë të policisë dhe familjarë të Aleks Nikës. Ata janë munduar të gjejnë formën për të rihapur çështjen dhe ka gjetur këtë mënyrë”, tha Hoxha.